1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Физик ҳодисаларда модда молекула даражасигача ўзгаради, лекин молекулалар ўзгармайди – сақланади. Ядровий жараёнлар ҳам физик ўзгаришларга киритилган (Физика фанининг ўрганиш соҳасидан келиб чиқиб). Физикавий ҳодисаларга эриш, синиш, чўзилиш, музлаш, суюқланиш, қайнаш, буғланиш, қотиш, аралашиш – диффузия, сублимация, коагуляция, ҳайдаш, кристалланиш, сиқиш, амалгаммалар ҳосил бўлиши, қиров тушиши, майдаланиш ва ҳ.к. ларни мисол қилиш мумкин.
Сублимация – модданинг қаттиқ ҳолатдан суюқланмай туриб буғланиши. Масалан: йод – I₂, нафталин – C₁₀H₈р. бўлиб ўрганилади. 1) Физик ҳодисалар ва 2) Кимёвий , қуруқ муз – СО₂ ва ҳ.к.
Коагуляция – аралашмадан модда зарраларининг ўзаро бирлашиб, йириклашиб чўкиши. Масалан: лойқа сувнинг тиниши, чангнинг тининши ва ҳ.к.
Амалгаммалар – металларнинг симоб – Hg билан қотишмалари.
Кимёвий ҳодисаларда модда атом даражасигача ўзгаради. Бунда молекула бошқа молекулага айланади, лекин атомлар ўзгаришга учрамай, қайта гуруҳланиб бошқа молекулаларга айланади. Кимёвий ҳодисаларга ёниш, ачиш, чириш, ранг ўзгариши, занглаш, портлаш, парчаланиш, туташ каби ҳодисаларни мисол қилиш мумкин. Кимёвий ҳодисалар асосида кимёвий реакциялар ётади.
Кимёвий реакция – моддалар молекулаларининг ўзаро таъсири натижасида янги модда молекулаларининг ҳосил бўлиш жараёни. Масалан: CH₄ + 2O₂ = CO₂ + 2H₂O ва ҳ.к. Кимёвий реакцияларнинг содир бўлганлигини ташқи аломатларидан билиш мумкин.
Кимёвий реакцияларнинг тенгламалари – кимёвий жараённи реакцияга киришаётган ва ҳосил бўладиган моддаларнинг формулалари ва коэффициентлар ёрдамида шартли ифодалаш. Масалан: табиий газнинг ёниши кимёвий жараён ҳисобланади, шу жараёнда метан молекулалари кислород молекулалари билан реакцияга киришиб, карбонат ангидрид ва сув ҳосил бўлади. Шу жараённи моддаларнинг (метан, кислород, карбонат ангидрид ва сув) формулалари ёрдамида ифодаласак бу реакция тенгламаси дейилади. CH₄ + 2O₂ = CO₂ + 2H₂O ва ҳ.к.