1. Maktabgacha ta’lim tashkilotlarida bolalarni saxnalashtirish faoliyatga yo’naltirish orqali ijodiy rivojlantirish yo’llari

Ikki yoshdan-besh yoshgacha bo’lgan davr mobaynida bola katta rivojlanish yo’lini bosib o’tadi va maktabgacha katta yoshga yetib, san’at asarlarini tushunadigan bo’lib qoladi. Bu davrga kelib, u o’zini nafaqat individ sifatida anglaydi (oynada, rasmda taniydi), balki o’zining ichki dunyosini kashf etadi hamda o’zini o’z fikrlari, hissiyotlari va xayolot olamiga ega bo’lgan shaxs sifatida qabul qila boshlaydi. Bir vaqtning o’zida bola boshqa kishilarning ham unikiga o’xshaydigan va o’xshamaydigan ichki dunyosi borligini, ular ham fikrlar va hissiyotlarga ega ekanini tushuna boshlaydi. Shu davrdan adabiyotni anglashning ikkinchi bosqichi boshlanadi.

Maktabgacha yoshdagi bola o’ziga xos kitobxon: duch kelgan barcha asrlarni u eshitish orqali kabul qiladi. Xayolida gavdalanadigan timsollar va manzaraga unda ikki xil ta’sir paydo bo’ladi Bir tomondan, unda duch kelgan barcha narsalarni jonlantirishga hamda o’yinlar olami va xayollar og’ushida yashashga moyillik xos bo’lsa, ikkinchidan, u bu timsollarning xaqiqiy emasligini tushunadi va badiiy asar qahramonlarini real odamdan farqlay oladi. Bolaning xayolot olami, kitob sahifalarini jonlantirishga intilishi juda muhim axamiyat kasb etadi, chunki bu - o’z ijodiy salohiyatini rivojlantirish imkoniyatidir.

Maktabgacha yoshdagi bolalarning badiiy asarlarni qabul qilishga doir yoshga oid xususiyatlari

Katta yoshdagi kitobxonlarni qiziqtiradigan ayrim savollar - qanday qilib bolani qiziqtirish va o’qishini tashkil qilish, qanday qilib kitobga mehr o’yg’otish kabi savollarga javob topishga xarakat qilib ko’ramiz.