Хоразм вилояти, Урганч тумани хокими Ф. И. Шариповга Нусхаси: Хоразм вилоят Давлат ер

Хоразм вилояти, Урганч тумани
хокими
Ф.И.Шариповга


Нусхаси: Хоразм вилоят Давлат ер
ресурслари бошқармаси бошлиғига
(Қишлоқ хўжалиги учун мўлжалланган ерларидан фойдаланиш
масаласида юзага келган тўсиқ ва қийинчиликларни бартараф
этиш масаласида амалий ёрдам кўрсатиш хусусида)

Хурматли Фрунзе Ильхамович!

Беруний тумани хокими номига фуқаро Э.К.Абдиримов юртимизда яратилаётган имкониятлардан қонун доирасида фойдаланиш хамда ушбу сохага доир қонунчиликка риоя қилиб, оилавий тадбиркорлик билан шуғулланиш учун фермер хўжалиги ташкил этиш масаласида мурожаат қилган.

Шу сабабли, Беруний туманига қарашли “Амударё”нинг чап қирғоғида (Хоразм вилояти Урганч тумани билан чегарадош ерлар) жойлашган ерлардан танлаб олиниб, қонунчиликда белгиланган тартибда тендер ўтказилди ва натижасига кўра Э.Абдиримов ғолиб деб топилган.
Шундан сўнг, Беруний тумани ҳокимининг 2019 йил 28 декабрь кунги №6546-сонли қарори билан Шаббоз овул фуқаролар йиғини худудида сабзавотчилик-полизчилик йўналишида Фермер хўжалиги ташкил қилинган.
Ушбу фермер хўжалигига Беруний тумани Давлат хизматлари маркази томонидан 2020 йил 28 апрель куни 835243-сонли реестр рақами билан «BERUNIY AGROTEX» номи берилган.
Кейинчалик, ҳужжатлар тегишли тартибда расмийлаштирилгандан ва карантин (пандемия) чоралари сал юмшатилгандан сўнг, Беруний туман ер ресурслари ва давлат кадастр бўлими билан ижара шартномаси тузилган.
Шунингдек, Қорақалпоғистон Республикаси Ер ресурслари бошқармаси ва туман ер ресурслари хизмати ходимлари томонидан Ўзбекистон Республикаси Ер ресурслари Давлат Қўмитаси ходимлари иштирокида ер чегаралари ўтказилган ўрганиш давомида белгилаб берилган.
Қайд қилинганлардан ташқари, «BERUNIY AGROTEX» фермер хўжалиги томонидан 2020 йил мобайнида ушбу ажратилган ер майдонларининг мелиоратив ҳолати яхшилаб, тупроқ самарадорлигини ошириш ҳамда ердан унумли фойдаланиш бўйича тадбирлар ишлаб чиқилган.


Бироқ, фермер хўжалиги вакиллари томонидан ажратилган ер майдонларидан фойдаланиш мақсадида ушбу ҳудудга борилганда, чегарадош ер эгалари ва ердан фойдаланувчиларнинг вакиллари (фермер хўжалиги, аҳоли томорқа эгалари ва бошқалар) билан ҳар хил муаммолар ва низолар келиб чиқа бошлаган.
Қолаверса, ушбу юзадан низо келиб чиқишига ажратилган ер майдонлари “Амударё ”нинг чап қирғоғида жойлашганлиги боис, узоқ муддат давомида Хоразм вилояти худудида жойлашган фермер хўжаликлари вакиллари ва бошқа фуқаролар томонидан фойдаланиб келинганлиги сабаб бўлмоқда..
Аниқланишича, ҳозирда мазкур ер майдонларининг аксарият қисмида кузги буғдой экинлари экилганлиги, шунингдек, ушбу ердан фойдаланиб келаётган барча шахсларни аниқлаш ҳамда чегараларни белгилаб олишнинг имкони бўлмаган.


Шу сабабли, мазкур масала юзасидан фермер хўжалиги томонидан бир неча бор Беруний тумани ер ресурслари ва давлат кадастр бўлимига ҳамда Хоразм вилояти (Урганч тумани) Давлат кадастр ва ер ресурслари хизматларига мурожаат қилинган.
Баён этилганларга қарамасдан ушбу мурожаатлар шу кунга қадар асосли ва адолатли ҳал этилмасдан қолмоқда.


Юқоридагиларга асосан, Беруний тумани хокими қарори асосида «BERUNIY AGROTEX» фермер хўжалиги ажратиб берилган ердан ноқонуний фойдаланиб келаётган барча шахсларни аниқлаб, чегараларни белгилаб олиш масаласини ҳал этиш қийинчилик туғдираётганлиги сабабли, ушбу масалани ижобий ва адолатли ҳал қилишда ёрдам беришингизни илтимос қиламиз.


Сизларга амалий ёрдамингиз ва ҳамкорлик учун олдиндан самимий минатдорлик билдираман.