Хонобод шаҳар ҳокими М. Мамадалиевга

Хонобод шаҳар ҳокими
М.Мамадалиевга

Хонобод шаҳар Давлат хизматлари маркази Сизга ушбу орқали, Ўзбекистон Республикаси Иқтисодий тараққиёт ва камбағалликни қисқартириш Вазирлигига pm.gov.uz орқали 2020 йил 27 август куни №52561-r/20 сон билан келиб тушган мурожаат юзасидан қуйидагиларни маълум қилади.

Хонобод шаҳар Хонобод МФЙ Хонобод 4-кўчаси 9 уйда истиқомад қилувчи Исмоилова Махлиёхон Турсунбой қизи томонидан Ўзбекистон Республикаси Вазирлар Маҳкамасининг 2020 йил 25 мартдаги 182-сонли қарорига асосан ипотека кредитлари бўйича субсидия олиш масаласида my.gov.uz портали орқали 2020 йил 30 июл куни №18928659-сонли ариза билан мурожаат қилган. Фуқаронинг юқоридаги аризаси электрон тартибда ваколатли ташкилотларга юборилган бўлиб, ваколатли ташкилотларнинг масъул ходимлари томонидан 10 кун муддат ичида кўриб чиқилиш белгиланган. Ушбу ариза шаҳар ҳокимлиги, “Микрокредитбанк” АТБ Андижон вилоят филиали ҳамда Андижон вилоят ер тузиш ва кўчмас мулк кадастри давлат корхонаси Хонобод филиали томонидан ўз вақтида кўриб чиқилиб, хулосалари берилган. Лекин комиссия аъзолари таркибига кирувчи Хонобод шаҳар аҳоли бандлигига кўмаклашиш маркази томонидан ариза кечиктирилиб, муддати бузилган ҳолда хулоса берилган, Хонобод шаҳар ИИБ, Хонобод шаҳар Тиббиёт бирлашмаси, Хонобод шаҳар Маҳалла ва оилани қўллаб қувватлаш бўлими, Ёшлар иттифоқи Хонобод шаҳар бўлими, Хонобод шаҳар Молия бўлими ҳамда Хонобод шаҳар ДСИ масъул ходимлари томонидан ариза кўриб чиқилмаганлиги сабабли мазкур аризанинг муддати бузилишига олиб келган.
Ушбу ҳолат бўйича масъул ташкилотларига фуқаро аризаси муддатини бузганлиги бўйича маъмурий тартибда кўриб чиқиш масаласи юзасидан 2020 йил 26 август куни Давлат хизматлари агентлиги Андижон вилоят бошқармасига келишлиги тўғрисида чақурув хати берилган.
Хонобод шаҳар Давлат хизматлари маркази юқоридаги кўрсатилган масъул ташкилотларининг фуқаро аризасига масъулиятсизлик билан ёндашганлиги бўйича қонунда белгиланган тартибда таъсир чоралари қўлланилишини ҳамда ушбу ҳолат юзасидан Сизга қўшимча маълумот тақдим қилинишини билдиради.
Хонобод шаҳар Давлат хизматлари
маркази директори: С.Ахмедов