Хожибойга ma'ruza

Argotizmlar va jargonizmlar 

Argotizmlar  va  jargonizmlar-  biror  argo  yoki  jargonga  xos  leksemalar. 

Argo  va  jargonlar  biror  ijtimoiy  guruh  yoki  toifalarning,  masalan,  sportchilar, 

o'g'rilar,  olibsotarlar,  poraxo'r  va  boshqalarning  «yasama  tili»dir.  Shuning  uchun 

argo va jargonlar ijtimoiy dialektlar deb ham yuritiladi. 

Argotizmlar  yashirin  ma'no  ifodalaydi.  Mas.,  otarchilar  orasida-  yakan 

(«pul»), ichuvchilar orasida- novcha  («araq»), qizil («vino») kabi. 

Jargonizmlarda  yashirin  ma'no  bilan  birgalikda  tinglovchini  yoki  o'zga  bir 

shaxsni  kamsitish  yoxud  uning  xislatlarini  bo'rttirib  baholash  ottenkalari  ham 

mavjud bo'ladi. Mas., talabalar jargonida: dum-«topshirilmagan imtihon», «qarz»; 

jonli so'zlashuvda: yo'r'ga- «yengil tabiatli», «buzuq» va b.lar. 

Argotizm  va  jargonizmlar,  asosan,  jonli  so'zlashuvda,  tor  doirada  ishlatiladi. 

Undan  badiiy  asarda  obraz  va  personajlarni  tipiklashtirish  maqsadida  foydalanish 

hollari ham uchraydi. Mas: Bu qora yeryutkurning yo'rg'a chiqarishini yetti uxlab 

tushida  kim  ko'ribdi.  (Hamza.  Paranji  sirlari.)  Gapni  aylantirmang.    Yog'liq  joy. 

Yakan katta bo'ladi! («Mushtum», 1960, №2). 

Bir maktabda gap mish-mish,  

Turg'unning dumi bormish.  

Xo'sh, bu ajab, qanday dum,  

Hech kimda yo'q-ku bu dum? 

        Bilsam voqea o'zga, 

        Ilinmas qo'lga, ko'zga! 

        «Ikki» degan oti bor, 

        Na o'zi, na zoti bor...      (Q. M.)