Hodisa va uning ehtimolligi

Ehtimollikni qo`shish va ko`paytirish teoremalari bo`yicha yechiladigan masalalar

1. 
   Quyidagi hodisalarning yig`indisi va ko`paytmasidan iborat bo`lgan hodisalarni yozing:
   

Raqamlangan kubik tashlandi. A hodisa- tushgan ochko juft bo`lsin; B hodisa- tushgan ochko 4 bo`lsin.

2. 
   Quyidagi hodisaning birgalikda yoki birgalikda emasligini tekshiring: Tikuv sexidan olingan 50 ta paypoq nazoratdan o`tkazilyapti. A hodisa – 44 ta paypoq sifatli chiqsin. B hodisa- sifatli paypoqlar soni 80 foizdan ko`p chiqsin.
   
3. 
   Pul- buyum lotoreyasining har 10 000 ta biletiga 150 ta buyum va 50 ta pul yutuqlari o`ynaladi. Bitta lotoreyasi bor kishiga pul yoki buyum yutuq chiqish ehtimoli qanchaga teng.
   

Javob:

4. 
   Merganning bitta o`q uzishda 10 ochko urish ehtimoli 0,1 ga, 9 ochko urish ehtimoli 0,3 ga, 8 yoki undan kam ochko urish ehtimoli 0,6 ga teng. Merganning bitta o`q uzishda kamida 9 ochko urish ehtimolini toping.
   

Javob:

5. 
   Yashikda 10 ta detal orasida 2 tasi nostandart. Tavakkaliga olingan 6 ta detal orasida nostandart detal bittadan ortiq bo`lmaslik ehtimolini toping
   

Javob:

6. 
   Ikkita mergan bittadan o`q uzishdi. Birinchi merganning nishonga tekkizish ehtimoli 0,7 ga, ikkinchisiniki esa 0,6 ga teng. Merganlardan aqalli bittasi nishonga tekkizganligi ehtimolligini toping.
   

Javob:

7. 
   Tanga va o`yin soqqasi tashlandi. “gerbli tomon tushdi” va “6 ochko chiqdi” hodisalarining birgalikda ro`y berish ehtimolini toping.
   

Javob:

8. 
   Ikkita yashikda detallar bor: birinchisida 10 ta (ulardan 3 tasi standart), ikkinchisida 15 ta (ulardan 6 tasi standart). Har bir yashikdan bittadan detal olindi. Ikkala detal ham standart bo`lish ehtimolini toping.
   

Javob:

9. 
   Talaba 20 ta savoldan 16 tasiga tayyorlangan. Talaba imtihonda 2 ta savol tanlaydi. Talabaga imtihonda birinchi savoli bilgan savoli tushganligi ma’lum bo`lsa, ikkinchi tanlagan savoli tayyorlanmagan savollaridan tushishi ehtimolini toping.
   

Javob:

10. 
    Talaba 20 ta savoldan 16 tasiga tayyorlangan. Talaba imtihonda 2 ta savol tanlaydi. Talabaga imtihonda har ikkala savol tayyorlanmagan savolidan tushish ehtimolini toping.
    

Javob: