Ходимлар тоифаси Таълимнинг энг паст даражаси

15-§.Электрон кутубхоналар кутубхоначиси

т/р	Лавозим номи	ММСК бўйича коди	Ходимлар тоифаси	Таълимнинг энг паст даражаси
109	Электрон кутубхоналар кутубхоначиси	2432	бошқарув	О/М

Таклиф этилмоқда

Лавозим вазифалари: АКТнинг ривожланиши ва замонавий умумжаҳон тенденцияларини ҳисобга олган ҳолда электрон-кутубхона фаолиятини ислоҳ қилиш; ўқувчиларга аҳолига ахборот-кутубхона хизматлари кўрсатиш бўйича ижтимоий кафолатларни сифатли таъминлаш ҳамда замонавий талабларни ҳисобга олган ҳолда ахборот-кутубхонани ривожлантириш мақсадида норматив-ҳуқуқий базани такомиллаштириш; ўқувчиларга ахборот-кутубхона хизматлари кўрсатишни барқарор ривожлантиришга кўмаклашиш; кутубхона фаолиятининг самарадорлигини ва ўқувчиларга хизмат кўрсатиш тезкорлигини ошириш учун электрон китоблар тарқатиш интернет-ресурсларни кенгайтириш; кутубхона хизматлари кўрсатиш учун сифат жиҳатидан янги ва қулай шарт-шароитлар яратиш, замонавий ахборот технологиялари асосида уларнинг илмий, таълим, ахборот ва маданий эҳтиёжларини қондириш; ўқувчиларга ҳар қандай (босма, мультимедиа ва рақамли) ташувчиларда, шу жумладан, Интернет тармоғида сифатли ахборот манбаларидан фойдаланиш имкониятини яратиш; Билиши керак: давлатимизнинг таълим тизимига оид, ахборот-кутубхона фаолиятини такомиллаштиришга тегишли норматив-ҳуқуқий ҳужжатларини; ахборот-кутубхона назарияси ва амалиётини, методик ишларни ташкил этиш ва самарадорлигини ошириш усулларини; давлатимиз ва хориж давлатлар илм-фанининг библиография ва ахборот соҳасидаги ютуқлари ҳамда ахборот-кутубхона жараёнлари технологиясини; библиография ва информатика соҳасидаги методик материалларни; муассаса фаолиятига қўйилган санитария-гигиена талабларига, меҳнатни муҳофаза қилиш, техника ва ёнғин хавфсизлиги қоидаларига риоя қилишни. Малака талаблари: олий маълумот, амалий иш стажи талаб этилмайди. хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши.