Хўжалик ишлари мудирининг хизмат вазифалари, лавозим мажбуриятлари

“Т а с д и қ л а й м а н”
____________________________
____________________________
«_____» ___________20___йил


Ўзбекистон Республикасининг 1996 йил 30 августдаги “Бухгалтерия ҳисоби тўғрисида”ги Қонуни ва Ўзбекистон Республикаси Адлия вазирлигида 2010 йил 22 декабрда 2169-сон билан рўйхатга олинган Ўзбекистон Республикаси молия вазирининг 2010 йил 17 декабрдаги 105-сон буйруғига асосан “Бюджет ташкилотларида бухгалтерия ҳисоби тўғрисида”ги Йўриқнома талабларидан келиб чиқиб ишлаб чиқилган


Хўжалик ишлари мудирининг хизмат вазифалари, лавозим мажбуриятлари.

Инвентарь ва хўжалик жиҳозларининг ҳисоби хўжалик ишлари мудири томонидан буюмларнинг номи ва миқдори бўйича М-17-сон шаклдаги материалларнинг омбор ҳисоби дафтарини юритиш ва ушбу китоб асосида ҳар ойнинг .........санасига белгиланган шаклларда аниқ ва сифатли ҳисоботларни тузиб, имзолаган ҳолда ҳисобхонага ҳисобот топшириш;

Жиҳозлар ва майда буюмларни омбордан беришда 434-сон шаклдаги юк хати (талабнома) бўйича амалга ошириш;
Буюмлар омбордан берилаётганда ташкилотнинг, бўлимнинг номи, фойдаланишга топширилган йили ва ойи кўрсатилган маркировкали штамп қўйиш ёки жетон билан маҳкамлаш;
Синган идишларни ҳисобдан ўчириш учун синган идишларни рўйхатга оладиган 325-сон шаклдаги синган идишларни рўйхатга олиш бўйича китобни юритиш ва китобни тўғри юритилаётганлигини назорат қилиб бориш мақсадида тузилган комиссияга тақдим қилиб туриш ҳамда ҳар чоракда (ҳар ойда) синган идишларни ҳисобдан ўчириш далолатномасини тузиш ва далолатномани ташкилот раҳбарига имзолаш учун тақдим қилиш;
Омборидаги мавжуд ички кийимлар, кўрпа-тўшаклар, кийим-кечак ва пойабзаллар алоҳида гуруҳларга ажратиб ҳисобини юритиш, Жумладан:
ички кийимлар (кўйлаклар, халатлар ва шунга ўхшашлар);
кўрпа-тўшаклар ва кўрпа-тўшак буюмлари (матраслар, ёстиқлар, кўрпалар, чойшаблар, кўрпа ва ёстиқ жилдлари, ёпинғичлар, қоп-кўрпа) ва ҳ.к.;
кийим-бош ва шаклли уст-бош ҳамда махсус кийимлар (костюмлар, кофталар, юбкалар, курткалар, шимлар) ва бошқалар;
пойабзаллар, махсус пойабзаллар (ботинкалар, этиклар, сандаллар, пиймалар ва ҳ.к.) билан бирга;
спорт кийимлари ва пойабзаллари (костюмлар, ботинкалар) ва ҳ.к.

Озиқ-овқат маҳсулотлари ҳисобини аниқ юритиш, озиқ-овқат маҳсулотлари бериш учун меню-талабнома асосида омбордан чиқариш;

Муассаса балансида бўлган асосий воситалар ва инвентарлардан самарали ва оқилона фойдаланилишини назорат қилиш ва инвентарларни рўйхати ҳар бир фойдаланувчилар кесимида ёзилиб, буйруқ асосида фойдаланувчиларни бут сақланиши юзасидан расман таништириш.
Коммунал хизматлар учун ажартилган бюджет маблағларини тежаш мақсадида ичимлик суви, табиий газдан ва электр энергияси сарфини доимий назорат қилиш, исрофгарчиликларни бартараф этиш бўйича раҳбарга таклиф киритиб бориш. Шунингдек, ўлчов асбобларини соз ҳолда ишлашини таъминлаш, уларнинг кўрсаткичларини ёзиб бориш ва ҳисобхонага расман топшириш;
Ҳар йили, харажатлар сметаларини тузишда коммунал хизмат кўрсатувчи ташкилотлар билан шартномаларни тузишда иштирок этиш;
Ёнилғи, ёқилғи-мойлаш материалларини нобуд бўлмасдан сақланишини таъминлаш, уларни омбордан чиқаришда раҳбар томонидан тасдиқланган ҳужжат асосида чиқариш ва ҳисобини юритиб бориш ҳамда белгиланган муддатларда ойлик ҳисоботларни тузиш, ҳисобҳонага топшириш;
Ташкилот томонидан ўтказиладиган инвентаризация ишларида тўлиқ қатнашиш.
Мазкур хизмат вазифаларим, лавозим мажбуриятларим ва ҳуқуқларим билан танишиб чиқдим. Ташкилотда балансдаги менинг зиммамдаги асосий воситаларни ҳисоб-китоб ишларини юритишда юқоридаги талаблар доирасида ишларни олиб бораман.
_______________________________________________________________________________________________________________хўжалик ишлари мудири __________________________20__ йил «____» __________
(ФИО) (имзо) (сана)