Хўжалик амалиётида асосий воситалар натурал ва қиймат кўринишида ҳисобга олинади. Агар асосий воситаларни

Бевосита қайта баҳолаш усули қўлланилганда, объектларнинг тўлиқ тикланиш қийматини ҳужжатлар асосида тасдиқлаш учун ташкилотнинг хоҳишига кўра қуйидагилардан фойдаланилиши мумкин: а) тайёрловчи ташкилотлар ва уларнинг расмий дилерлари, товар-хомашё биржалари, кўчмас мулк биржаларидан ёзма шаклда олинган худди шундай маҳсулотга доир нархлар тўғрисидаги маълумотлар; б) қайта баҳолашни ўтказиш санасига ва асосий воситаларни ҳарид қилиш санасига МБ курсларининг нисбати сифатида белгиланадиган ҳисоб-китоб коэффициентини қўллаган ҳолда ҳарид қилиш санасига ЭАВда асосий воситаларнинг қиймати тўғрисидаги маълумотлар; в) тегишли давлат органларида мавжуд бўлган нархлар даражаси тўғрисидаги маълумотлар;
г) қайта баҳолашни ўтказиш даврида оммавий ахборот воситалари ва махсус адабиётларда эълон қилинган нархлар даражаси тўғрисидаги маълумотлар; д) асосий воситалар қиймати тўғрисида баҳоловчининг ҳисоботи.
Ўзбекистон Республикаси Давлат статистика қўмитаси томонидан асосий воситаларни қайта баҳолаш чоғида индекс усулини қўллаш учун 31 декабрга қадар навбатдаги қайта баҳолаш бўйича тегишли индекслар ишлаб чиқилади ва расмий равишда оммавий ахборот воситаларида эълон қилинади.
Қолдиқ қиймати бўйича – жамланган амортизация суммасини чегирган ҳолда асосий воситаларнинг бошланғич (тиклаш) қиймати.
Бошқача қилиб айтганда, бу асосий воситаларнинг ишлаб чиқарилаётган маҳсулотларга ҳали ўтказилмаган қисмидир.
Корхоналар томонидан фойдаланилмайдиган ҳамда ҳисобдан чиқариш ёки сотиб юбориш мўлжалланган асосий воситалар ҳам, кўпинча қолдиқ қиймати бўйича мазкур хўжалик йилидаги нархларда баҳоланади.
Тугатиш қиймати – асосий воситаларнинг чиқиб кетиши бўйича кутилаётган харажатларни чегирган ҳолда кутилаётган фойдали хизмат муддати охирида асосий воситаларни тугатиш чоғида олинадиган активларнинг фараз қилинаётган суммаси.
Амортизацияланадиган қиймат – молиявий ҳисоботларда фараз қилинаётган (баҳоланган) тугатиш қийматини чегирган ҳолда кўрсатилган асосий воситанинг бошланғич (тиклаш) қиймати суммаси.