Хисоб-варак шартнома №

II. Етказиб бериш шартлари
2.1. Маҳсулот чоракларга бўлиниб, ойма-ой тенг қисмларга бўлинган ҳолда етказиб берилади. Бир етказиб бериш даврида етказиб берилмаган маҳсулот иккинчи етказиб бериш даврида амалга оширилади. Ўз вактида етказиб берилмаган маҳсулотни шартнома муддати даврида ўрнини тўлдириб бериш Таъминловчини етказиб берилмаган маҳсулот учун моддий жавобгарликдан озод қилади.
2.2. Истеъмолчининг розилиги билан Таъминловчи маҳсулотни муддатидан олдин етказиб бериш хукукига эга. Муддатидан олдин етказиб берилган маҳсулотни Истеъмолчи томонидан қабул килиниши, унинг маҳсулотни муддатидан олдин етказиб беришга розилик деб бахоланади. Маҳсулот муддатидан олдин етказиб берилганда Истеъмолчи шартноманинг 3.3-бандига асосан маҳсулот учун ҳақ тулаб бериши шарт.
2.3. Маҳсулот Таъминловчи омборида қабул қилиб олинган кун ёки юк ташувчининг транспорт воситасига ортилган кун Таъминловчи маҳсулотни етказиб бериш мажбурияти бажарган кун деб хисобланади.
2.4. Истеъмолчи шартноманинг 3.3-бандига асосан маҳсулот ҳақини тўлаб бермаса, Таъминловчига маҳсулот жўнатишни тўхтатиб қўйиш ҳуқуқи берилади ва Таъминловчи етказиб берилмаган маҳсулот учун жавобгарликдан озод қилинади.
2.5. Маҳсулотни сифати, сони ва бутлиги юзасидан топшириш, қабул килиш, етказиб бериш шартидан келиб чиққан холда Таъминловчи омборида ёхуд Истеъмолчи омборида амалга оширилади. Маҳсулот қабул килиб олингандан сўнг Истеъмолчи маҳсулотнинг сони ва сифати юзасидан даъво кузғашга ҳаққи йўқ. Таъминловчи қабул қилиб олинган маҳсулотни қайтариб олиш ёки бошқаси маҳсулотга алмаштириб бериш мажбуриятини олмайди.
2.6. Истеъмолчи маҳсулотни қабул қилгандан сўнг ёки маҳсулот юк ташувчига ташиш учун топширилган вақтдан, маҳсулотнинг тасодифан нобуд бўлиш хавфи Истеъмолчи зиммасига юклатилади. Таъминловчидан маҳсулотни олиб кетиш харажатлари Истеъмолчи ҳисобидан амалга оширилади.
2.7. Етказиб бериладиган маҳсулот сифати амалдаги давлат андозалари ва техник шартлар талабларига мос бўлиши лозим.
III. Нарх ва хисоб-китоб
3.1. Етказиб бериладиган маҳсулот нархи шартнома нархида, шартноманинг ажралмас қисми хисобланадиган (илова № 1) “Шартномавий нархни келишув баёни”га асосан белгиланади. Маҳсулот нархи “франко-Таъминловчи омбори” тарзида белгиланади.
Маҳсулот нархи таркибига транспорт харажатлари киритилмаган (транспорт харажати деганда: автотранспорт ва темир йўл тарифи, транспорт ажратиш, вагонларни маневри, уларни тозалаш ҳамда шу каби юкни ташиш ва транспорт воситаси билан боглик барча харажатлар тушунилади) ва Таъминловчи такдим этадиган алоҳида хисобга асосан Истеъмолчи уларни тулаб беришни зиммасига олади.
3.2. Маҳсулот нархи узгарган такдирда Таъминловчи маҳсулотни жунатишдан олдин Истеъмолчига бу ҳақда хабар килади. Истеъмолчи хабарни олгандан сунг 3 (уч) кун ичида Таъминловчига ёзма равишда (хат, факс, телеграмма) уз розилигини билдириши лозим. Ушбу муддат ичида Истеъмолчи маҳсулот нархини узгаришига эътироз билдирмаса, узгарган нарх томонлар уртасида келишилган хисобланади.
3.3. Етказиб бериладиган маҳсулот учун ҳақ тўлаш шартноманинг 1.2-бандига асосан накдсиз шаклда, пул кўчириш орқали амалга оширилади. Истеъмолчи ҳар туркум етказиб бериладиган маҳсулот қийматининг
100 фоизини шартноманинг, маҳсулот етказиб берилишидан камида 3 (уч) кун олдин, олдиндан тўлов шаклида тўлаб беради.