Hindiston

Qishloq xo`jaligi

Qishloq xo`jaligi tarixiy davrlar mobaynida Hindistonning asosiy ishlab chiqarish tarmog`i bo`lib qolmoqda. Bu tarmoqda mehnatda band bo`lgan jami aholining 70% ga yaqini ishlaydi. Hozirgi vaqtda Hindiston jahonda choy, shakarqamish, yeryong`oq, ayrim dukkakli don mahsulotlari, murch, turli dorivor ekinlar yetishtirishda birinchi, sholi, jut bo`yicha ikkinchi, tamaki yetishtirish bo`yicha uchinchi, bug`doy, paxta yrtishtirish bo`yicha to`rtinchi o`rinda turadi.

Hindistonning tabiiy sharoiti qishloq xo`jaligini rivojlantirish uchun ancha qulay. Shu sababli hududning yarimidan ko`pi ekin maydonlariga aylantirilgan.

Hindistonning shimoliy qismida bug`doy, tariq, dukkaklilar va go`za, sholi, moyli o`simliklar, shakarqamish ekinlari ekiladigan yerlar va sug`oriladigan yerlar joylashgan. Shimoli – sharqiy qismida o`rmonlar, sholi, tariq va moyli o`simliklar ekiladigan yerlar joylashgan. Markaziy qismida – g`o`za, tariq va dukkaklilar, bug`doy, tariq, dukkaklilar, stitrusli o`simliklar ekiladigan yerlar joylashgan. Janubida – g`o`za tariq va dukkaklilar, kofe plantatsiyalari, o`rmonlar joylashgan.

Hindiston ekin maydonining 85% da oziq – ovqat beruvchi ekinlar ekiladi. Hindistonning barcha shtatlarida sholi mahsuloti keng ekiladi. Gang pasttekisligi va Braxmaputra daryobo`yi tekislik hududlarida esa maydonlar sholi bilan band.

Hindistonda chorvachilik yetarli darajada rivojlanmagan. Garchi u dunyoda qoramollar soniga ko`ra birinchi o`rinda ( ularning soni 200 mln. boshdan ziyod) bo`lsa – da, kam mahsuldorligi bilan ajralib turadi. Hind xalqi jon boshiga bir yilda atigi 1,6 kg go`sht, 1 kg hayvonot yog`I, 55 l sut, 24 dona tuxumni istemol qiladi.