Himoyaga tavsiya etildi

Kurs ishining tuzilishi va tarkibi: Kurs ishi tarkibiy jihatdan kirish, to’rt bob, xulosa va takliflar,foydalanilgan adabiyotlar ro’yxatidan iborat. Ish matni 41 sahifadan iborat bo’lib, 1 ta jadval va 3ta diagrammani o’z ichiga olgan.

1.Jahon moliyaviy muhiti va unda xalqaro moliyaviy xavfsizlik masalalari.

Jahon iqtisodiyotining tizim sifatidagi faoliyati tovarlar, xizmatlar va ishlabchiqarish omillarining harakati bilan bog’liq. Ushbu bog’liqlik asosida xalqaro moliya munosabatlari yuzaga keladi.

Jahon moliya tizimidagi munosabatlar bu xalqaro moliya bozori ishtirokchisi

bo’lgan shaxsning qaroriga muvofiq tarzda o’ziga tegishli bo’lgan xorijiy

valyutalarning harakat jarayonini tavsiflovchi fundamental iqtisodiy kategoriyadir. Jahon iqtisodiyotida ro’y bergan boshqa muhim o’zgarishlar ham xalqaro moliya munosabatlari rivojlanishiga ijobiy va salbiy jihatdan sezilarli darajada ta’sir ko’rsatdi. Ushbu o’zgarishlar jumlasiga, jahon va hududiy valyuta tizimlaridagi o’zgarishlar, valyuta tizimi tamoyillarining o’zgarishi, qarzdorlik inqirozlari, mamlakatlar tomonidan iqtisodiy integratsion birlashmalarning tuzilishi, xalqaro va mintaqaviy moliya tashkilotlarining vujudga kelishi, transmilliy korporatsiya va banklar faoliyatining kengayishi, jahonda ro’y bergan moliyaviy-iqtisodiy inqirozlarni kiritish mumkin. Jahon iqtisodiyotida barqaror iqtisodiy o’sish 2016 yilning o’rtalaridan kuzatilgan va hozirgi kunga qadar davom etmoqda. XVF prognozlariga ko’ra 2018 yilda ham iqtisodiy o’sish kuzatilgan holda 2017 yildagi ko’rsatkich saqlanib qoldi. Lekin bir paytning o’zida iqtisodiy o’sish sur’atlari muayyan tebranishlarga ega bo’lishi mumkin, mazkur tebranishlar darajasi yetakchi mamlakatlar iqtisodiyotidagi holatga bog’liq bo’ladi. Chunki, ayrim yetakchi mamlakatlar iqtisodiyoti rivojlanishning kutilishi mumkin bo’lgan yuqori darajasiga erishdi.

Bozor iqtisodiyoti shakllanayotgan va rivojlanayotgan mamlakatlardan ko’pgina energiya tashuvchilarni eksport qiluvchi mamlakatlarda o’sish sur’atlari neft narxining birmuncha yuqoriligi hisobidan yaxshilangan, lekin o’sish sur’atlari Argentina, Braziliya, Eron va Turkiya mamlakatlari uchun muayyan omillar, moliyaviy sharoitlarning yomonlashuvi, geosiyosiy keskinlik va neft importi xarajatlarining oshishi natijasida sezilarli darajada pasaygan. 2018 yilda jahon moliya tizimida o’sish sur’atlari qayd etildi, lekin bir qator mamlakatlarda 2018 yil oxirlarida prognoz qilingan o’sish sur’atlari muayyan omillar ta’sirida kutilgan natijani qayd etmadi. Rivojlanayotgan mamlakatlarning yuqori iqtisodiy faolligi xomashyo tovarlarining eksport narxlarini oshishi bilan izohlanmoqda, lekin bu uzoq muddatli istiqbolda o’zgaruvchan bo’lishi mumkin. O’sha rivojlanayotgan va kam rivojlangan mamlakatlar aksincha yoqilg’i va qishloq xo’jaligi mahsulotlarini sof import qiluvchilar bo’lib qolmoqdalar va buning natijasida neft va oziq-ovqatlar narxining tebranishi bilan bog’liq bo’lgan qiyinchiliklarni boshdan kechirdilar. Jahon moliya tizimidagi xavfsizlik darajasi bevosita ushbu tizim rivojlanishiga sezilarli ta’sir ko’rsatish imkoniga ega bo’lgan iqtisodiyoti rivojlangan mamlakatlardagi holatga bog’liq bo’ladi. Mazkur iqtisodiyoti jihatdan rivojlangan mamlakatlarda yuzaga keladigan inqirozli holatlar nafaqat hamkor mamlakatlarga balki, butut dunyo moliya tizimiga o’zining salbiy ta’sirini ko’rsatadi. Xavfsizlik muammolari uzoq muddatli davr mobaynida birinchi navbatda harbiy-siyosiy xavfsizlik muammolari sifatida ko’pincha so’zning tor ma’nosida talqin etilgan. Faqat XX asrning ikkinchi yarmi XXIning boshida qator omillarning ta’siri ostida xalqaro moliyaviy xavfsizlikni ta’minlash vazifasi xalqaro va milliy harbiy, siyosiy va xavfsizlikning boshqa shakllarining umumiy masalalarida mustaqil yo’nalishga aylangan. Moliyaviy xavfsizlik tizimining imkoniyati uning tuzilmaviy tamoyillariga, elementlarning o’zaro ta’sirga, ishlatiladigan vositalar va usullarga bog’liq bo’ladi. Tashkiliy tamoyillarni aniqlash va shartsiz bajarish moliya-kredit tizimining xavfsizligini ta’minlash tizimini yaratish va samarali ishlashning muhim sharti hisoblanadi.