|
Odnoklassniki
«Odnoklassniki” ijtimoiy tarmog‘i 2006 yilning 4 mart kuni Albertom Popkov tomonidan ishga tushiriladi. Tarmoqning oldiga qo‘ygan maqsadi sinfdoshlar, kursdoshlar, harbiy xizmatdoshlar, tanishlar, do‘stlar va aloqasi uzilib ketgan qarindoshlarni topib berish bo‘ldi. 2012 yilga kelib saytda 150 milliondan ortiq kishi ro‘yxatdan o‘tgan edi va bu ko‘rsatgich haligacha o‘sishda davom etyapti.
Vkontakte
MDH davlatlari orasida eng mashhur ijtimoiy tarmoq «Vkontakte” 2006 yilning 10 oktabr kuni ishga tushdi. Bu tarmoq avval oliy o‘quv yurti bitiruvchilari uchun mo‘ljallangan edi. Bugungi kunda bu tarmoqning kunlik tashrif buyuruvchilari soni 42 million kishini tashkil qiladi. 2012 yildan boshlab sayt yangi «VK.com” domeniga o‘tdi.
Milliy ijtimoiy tarmoqlar
Simple Networking Solutions
„Simple Networking Solutions“ MCHJ Muloqot.Uz ijtimoiy tarmog‘i egasi va ishlab chiquvchisi hisoblanadi. “Simple Networking Solutions“ MCHJ o‘zbekistonlik va xorijiy mualliflarning musiqiy asarlarini jamoatchilikka yetkazish bo‘yicha „O‘zbeksiton mualliflar va ijrochilar gildiyasi“ JT bilan bitimga ega.
Muloqot.Uz
„Muloqot.Uz“ ijtimoiy tarmog‘i millati, diniy eʼtiqodi, jinsi va ijtimoiy holatidan qatʼi nazar, fuqarolik jamiyati rivoji uchun o‘z hissasini qo‘shish niyatida bo‘lgan sog‘lom va mustaqil fikrlovchi hamda masʼuliyatli kishilarni birlashtiradi. „Muloqot.Uz“ ijtimoiy tarmog‘i umuminsoniy qadriyatlar va milliy anʼanalar, tenglik va bag‘rikenglik tamoyillarini tan oladi va qo‘llab-quvvatlagani holda har qanday ko‘rinishdagi zo‘ravonlik hamda tahqirlashga qarshi chiqadi. „Muloqot.Uz“ ijtimoiy tarmog‘i shaxsning har tomonlama rivojlanishi g‘oyalarini amalga oshirish maqsadida yoshlarning maʼnaviy va jismoniy barkamolligi, yoshlar orasida oliy qadriyatlarni shakllantirish, yoshlarning zamonaviy bilimlar va texnika taraqqiyoti yutuqlarini muvaffaqiyatli o‘zlashtirishlari uchun qiziqish uyg‘otish maqsadida zarur sharoitlarni yaratib beradi. „Muloqot.Uz“ ijtimoiy tarmog‘ida aʼzo nafaqat muloqotga kirishish imkoniyati mavjud, shu bilan birga turli sohalardagi o‘z ijod namunalari, tajribasi, bilim va g‘oyalarini hammaslaklarning ko‘pming kishilik auditoriyasi bilan baham ko‘rishi mumkin. „Muloqot.Uz“ ijtimoiy tarmog‘ining barcha aʼzolari — bir-biri bilan ochiq muloqot qiladigan hayotda bor shaxslardir. Bu tarmoqda anonimlarga o‘rin yo‘q, ammo har bir aʼzoning shaxsiy maʼlumotlari maxfiyligi saqlanishiga kafolat beriladi.
Ijtimoiy tarmoqlar asosan 15-55 yoshdagi auditoriyani birlashtirgan bo‘lib, bugungi kunda baʼzi yoshlar uchun kundalik muloqot vositasiga aylanib ulgurgan. Shu sababli ijtimoiy tarmoqlarni zamonaviy ommaviy kommunikatsiya tizimining bir ko‘rinishi deb eʼtirof etish mumkin. Bugungi kunda dunyo aholisining 3 milliardga yaqin qismi ijtimoiy tarmoqlar aʼzosidir. O‘zbekistonning o‘zida 10 milliondan ziyod aholi internetdan foydalanadigan bo‘lsa ulardan 5 milliondan ko‘progi ijtimoiy tarmoqlarga aʼzo.
Birgina Feysbuk ijtimoiy tarmog‘ida hozirgi kunda 1 milliyar 200 milliondan ortiq foydalanuvchi mavjud bo‘lib, ulardan 140ming nafari o‘zbekistonlik foydalanuvchilardir. Feysbuk statistikasining maʼlumotlariga ko‘ra, bir kunda 500 milliondan ortiq kishi saytga telefon orqali (mobil versiyasiga) tashrif buyuradi. Kuniga 3 milliardan ortiq sharxlar qoldirilib, 300 milliondan ortiq fotosuratlar joylashtiriladi hamda 125 millionta virtual do‘stlik aloqalari o‘rnatiladi.
Ingliz tilidagi tarjimasi “chug‘urlamoq, valjiramoq” kabi maʼnolarni anglatuvchi tvitter mikroblogi jahondagi eng mashxur kichik blogli xizmat turlarini taqdim etuvchi ijtimoiy tarmoq hisoblanadi. Tvitter mikro blogi dunyo miqyosida 500 milliondan ortiq foydalanuvchilariga ega. Ularning deyarli 100 ming nafari o‘zbekistonliklardir, Tviterning qulayligi shundaki, unda ortiqcha funksiyalarga o‘rin yo‘q, “bugun men nima qildim?”, “Hozir men nima qilayapman” kabi savollarga javob bersangiz bo‘lgani. Mana shu “qulaylik” bilan tvitter auditoriyasini kengaytirmoqda.
Kundan kunga ommalashib borayotgan, ayniqsa O‘zbekiston yoshlarining sevimli “uchrashuv makoni”ga aylanib ulgurgan odnoklassniki.ru sayti bugungi kunda aʼzo yig‘ish tezligi ko‘rsatkichlari bo‘yicha rekord darajaga erishmoqda. Odnoklassniki ijtimoiy tarmog‘i 2006 yil 26 martda ishga tushirilgan bo‘lsa, bugungi kunda uning salkam 150 million auditoriyasi mavjud. Odnoklassniki foydalanuvchilari asosan 14 yoshdan 55 yoshgacha deb eʼtirof etiladi. O‘zbekistonlik foydalanuvchilar esa “odnoklassniki”ning 3,5 millionga yaqin qismini tashkil etadi. Sayt statistikasiga ko‘ra, “odnoklassniki”ga bir kunda o‘rtacha 30 million kishi tashrif buyuradi. Ularning 62 %i 15-25 yoshdagi foydalanuvchilarni tashkil etadi.
Ahamiyatlisi shundaki, yuqorida qayd etilgan O‘zbekistondagi eng ommabop ijtimoiy tarmoqlar ichida mamlakatimiz miqyosida eng keng tarqalgani odnoklassniki.ru saytidir.
Bugungi kunda “odnoklassniki”ga 100dan ortiq mamlakat fuqarolari aʼzo va ulardan eng faollari Rossiya, Ukraina, Moldova, Bolqon hamda Markaziy Osiyo davlatlariga to‘g‘ri kelmoqda. Hududiy jihatdan o‘zida katta virtual auditoriyani jamlashga ulgurgan “odnoklassniki” kundan kunga yangi loyihalarni taqdim etmoqda. “Odnoklassniki”da rus, ingliz, moldov, ukrain, gruzin, ozarbayjon va o‘zbek tillari mavjud.
Odnoklassniki maʼmuriyatining norasmiy maʼlumotlariga ko‘ra, bugungi kunda saytda 200 milliondan ortiq profillar va 10 millionga yaqin guruhlar mavjud. Ularning umumiy soni bo‘yicha 6/1 qismi rasmiy sahifalardan iborat bo‘lib, ulardan teng yarmi guruhlarga to‘g‘ri kelar ekan.
Do'stlaringiz bilan baham: |
