“Himoyaga ruxsat etaman” Markaz direktori M. K. Xalikova

KIRISH
Mavzuning dolzarbligi. Til millatning ulkan boyligi, bebaho mulkidir, deyiladi O‘zbekiston Respublikasining “Davlat tili haqida”gi Qonunida. Birinchi Prezidentimiz I.A.Karimovning «Yuksak ma’naviyat – yengilmas kuch» asarida ham tilga alohida urg‘u berib, «O‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviy bog‘liqlik til orqali namoyon bo‘ladi. Jamiki ezgu fazilatlar inson qalbiga, avvalo, ona allasi, o‘zbek tilining betakror jozibasi bilan singadi. O‘zbek tili – bu millatning ruhidir» deb ta’kidlab o‘tilgan.
O‘zbek tilimiz ko‘p ming yillik tarixga ega. Mustaqillik yillarida tilimiz rivojiga va uni o‘qitishga katta e’tibor qaratildi. Maktabda o‘zbek tili fanidan dars soatlari ko‘paytirildi.
Til haqida ma’lumot berish o‘zbek tili ta’limining asosiy yo‘nalishlaridan biridir. O`zbek tili taraqiyyoti haqidagi dastlabki ma’lumotlar o`rta sinflarda beriladi. Yuqori sinflarda esa bu ma’lumotlar kengaytiriladi.
Nutqimizda mavjud so‘zlar bir-biridan ma’no va grammatik xususiyatlari jihatidan farq qiladi. Shunga ko‘ra so‘zlar ma’no va grammatik xususiyatlarning o‘xshashligi jihatidan ayrim-ayrim leksik-grammatik guruhlarga – turkumlarga ajratiladi.
Malaka ishining maqsadi. Maktabda morfologiyani, xususan, ot so‘z turkumini, uning yasalishini o‘rganish bo‘yicha mavjud metodik manbalarni o‘rganish, tahlil qilish va yoritish ishimizning maqsadini tashkil etadi.
Bitiruv ishining ob’ekti: Ushbu mavzu yuzasidan bitiruv ishi obyekti sifatida tilshunosliknin Etimologiya bo‘limiga oid tadqiqotlarni o‘rganib chiqish, ularni bir-biriga taqqoslash masalasi olindi. Shuningdek, turli janrdagi badiiy adabiyotlardan ma`lumotlar topish, ularni qiyoslash va xulosalar chiqarish ham tadqiqot obyektiga kiradi.
Bitiruv ishining predmeti: dars jarayonlarida turli metodlar, usullar, texnologiyalar va innovatsiyalardan foydalanish metodologiyasi, tarqatma materiallar va dars ishlanmalar, taqdimotlar
Bitiruv ishi metodlari: bahs-munosara, savol-javob, turli debatlar, seminar darslar va davra suhbatlari.