Himoyaga ruhsat etiladi” O‘quv va ishlab chiqarish amaliyoti bo‘yicha direktor o‘rinbosari

6-bob. Buyurtmachilar bilan tuzilgan shartnomalar reyestri
230. Shartnomalar reyestri operator tomonidan portaldan foydalangan holda yuritiladi.
Oldingi tahrirga qarang.
231. Shartnomalar reyestri elektron do‘kon, auksion, tanlov, tender, elektron tanlov, elektron tender natijalari va to‘g‘ridan to‘g‘ri tuzilgan shartnomalar, shu jumladan, yagona yetkazib beruvchidan amalga oshirilgan xaridlar yakunlari bo‘yicha shakllantiriladi.
(231-band O‘zbekiston Respublikasi moliya vazirining 2020-yil 24-fevraldagi 7-sonli buyrug‘i (ro‘yxat raqami 3016-3, 13.04.2020-y.) tahririda — Qonun hujjatlari ma’lumotlari milliy bazasi, 13.04.2020-y., 10/20/3016-3/0460-son)
Oldingi tahrirga qarang.
232. Elektron do‘kon va auksion, shuningdek, elektron tanlov va elektron tender orqali tuzilgan shartnomalar portalda ro‘yxatga olinganidan so‘ng avtomatik rejimda shartnomalar reyestriga kiritiladi.
(232-band O‘zbekiston Respublikasi moliya vazirining 2020-yil 24-fevraldagi 7-sonli buyrug‘i (ro‘yxat raqami 3016-3, 13.04.2020-y.) tahririda — Qonun hujjatlari ma’lumotlari milliy bazasi, 13.04.2020-y., 10/20/3016-3/0460-son)
Oldingi tahrirga qarang.
233. Buyurtmachi tomonidan tanlov, tender, yagona yetkazib beruvchidan xarid amalga oshirilishi, shuningdek boshqa to‘g‘ridan to‘g‘ri xaridlar natijasida tuzilgan shartnomalar haqidagi ma’lumotlar elektron tizimga kiritilgandan so‘ng elektron tizim tomonidan avtomatik rejimda axborot shakllantiriladi va shartnomalar reyestriga kiritiladi.
(233-band O‘zbekiston Respublikasi moliya vazirining 2020-yil 24-fevraldagi 7-sonli buyrug‘i (ro‘yxat raqami 3016-3, 13.04.2020-y.) tahririda — Qonun hujjatlari ma’lumotlari milliy bazasi, 13.04.2020-y., 10/20/3016-3/0460-son)
234. Shartnomalar reyestriga Qonunning 41-moddasi ikkinchi qismida nazarda tutilgan ma’lumotlar kiritiladi.
235. Shartnomalar reyestridagi axborot to‘lov undirilmagan holda tanishib chiqish uchun ochiq bo‘lishi kerak.
Oldingi tahrirga qarang.
235^1. Maxsus axborot portali va O‘zbekiston Respublikasi Moliya vazirligining davlat moliyasini boshqarish axborot tizimi o‘rtasidagi ma’lumotlar bazasi elektron hamkorligi orqali davlat buyurtmachilari bilan tuzilgan shartnomalar reyestri bo‘yicha onlayn ma’lumot almashinuvi amalga oshiriladi.
(235¹-band O‘zbekiston Respublikasi moliya vazirining 2020-yil 24-fevraldagi 7-sonli buyrug‘i (ro‘yxat raqami 3016-3, 13.04.2020-y.) tahririda — Qonun hujjatlari ma’lumotlari milliy bazasi, 13.04.2020-y., 10/20/3016-3/0460-son)
236. Qaysi shartnomalar to‘g‘risidagi axborot shartnomalar reyestriga kiritilmagan bo‘lsa, o‘sha shartnomalar uchun haq to‘lanmaydi.