Himoyaga ruhsat etiladi” O‘quv va ishlab chiqarish amaliyoti bo‘yicha direktor o‘rinbosari

Soliq auditi natijalarini rasmiylashtirish
Soliq auditi natijasiga ko‘ra soliq auditini o‘tkazuvchi shaxs tomonidan mazkur Nizomning 10-ilovasiga muvofiq shaklda uch nusxada soliq auditi dalolatnomasi tuziladi.

Soliq auditi dalolatnomasiga tekshiruv davomida aniqlangan soliq to‘g‘risidagi qonunchilik hujjatlarining buzilishlari faktlarini tasdiqlovchi hujjatlar ilova qilinadi.

Agar soliq auditi natijasida soliq to‘g‘risidagi qonunchilik hujjatlarining buzilishlari aniqlanmagan bo‘lsa, bu haqda soliq auditi dalolatnomasida qayd etiladi.
Soliq auditi dalolatnomasining barcha nusxalari soliq auditini o‘tkazuvchi shaxs (shaxslar) tomonidan imzolanadi. Soliq auditi dalolatnomasining bir nusxasi soliq to‘lovchiga soliq auditi tugaganidan keyin uch kun ichida topshiriladi.
Soliq to‘lovchining soliq auditi dalolatnomasidagi imzosi uning soliq auditi natijalariga roziligini bildirmaydi.
Soliq to‘lovchi soliq auditi dalolatnomasini olishdan bosh tortgan taqdirda, soliq auditini o‘tkazuvchi shaxs bu haqda soliq auditi dalolatnomasiga tegishli yozuv kiritadi.
Bunday holda soliq auditi dalolatnomasining bir nusxasi soliq to‘lovchiga pochta orqali buyurtma xat bilan yuboriladi.
Soliq to‘lovchi soliq tekshiruvi dalolatnomasida bayon etilgan faktlarga va (yoki) soliq auditini o‘tkazuvchi shaxsning xulosalari hamda takliflariga rozi bo‘lmagan taqdirda, soliq auditi dalolatnomasini olgan kundan e’tiboran o‘n ish kuni ichida tegishli soliq organiga mazkur dalolatnoma bo‘yicha umuman yoki uning ayrim holatlari yuzasidan yozma e’tirozlarini taqdim etishga haqli.
Soliq to‘lovchi o‘z e’tirozlarining asoslanganligini tasdiqlovchi hujjatlarni (ularning tasdiqlangan ko‘chirma nusxalarini) yozma e’tirozlarga ilova qilishga yoki kelishilgan muddatda soliq organiga topshirishga haqli.
Soliq auditi materiallari soliq to‘lovchi hisobda turgan joydagi soliq organiga yuboriladi hamda soliq auditi tugagan kundan keyingi ish kunidan kechiktirmay ro‘yxatdan o‘tkaziladi va soliq auditi natijasi bo‘yicha ma’lumotlar soliq tekshiruvlari hisobini yuritish axborot tizimiga kiritiladi.
Soliq auditi materiallarini ko‘rib chiqish va natijasi bo‘yicha qaror qabul qilish Soliq kodeksida belgilangan tartibda amalga oshiriladi.