Himoya gazlar muhitida yoyli payvandlash uchun apparaturalar va jihozlar turlari va tasnifi

Tok qutublarining ulanishini ta’siri.CO₂ gazida payvandlash eriydigan elektrodlar bilan o`zgarmas tokda teskari bog`lanishda amalga oshiriladi. Chunki to`g`ri bog`lanishda hatto kichik toklarda payvandlaganda ham metal sachrashlari ko`p bo`lishi kuzatiladi. Bu esa erish chuqurligini kichrayishiga olib keladi. Tog`ri bog’lanishda elektrod simining erish koeffitsiyenti 1,5 – 1,8 marta katta bo`lishiga qaramasdan bu afzallikdan foydalanib bo`lmaydi, chunki to`g`ri bog`lanishda chok eni teskari bog`lanishga nisbatan anchagina kichik, qabariqlikning balandligi esa katta. Bundan tashqari to`g`ri bog`lanishda elementlarni oksidlanish darajasi ham katta va g`ovaklar hosil bo`lish havfi yuqori. Shunga qaramay burchak choklarini uchini uchiga qo`yib payvandlashda va uchma uch birikmalarni ko`p qavatli choklar bilan payvandlashda to`g`ri bog`lanishdan foydalaniladi.