Himoya gazlar muhitida yoyli payvandlash uchun apparaturalar va jihozlar turlari va tasnifi

Elektrod simini uzatish tezligi - Elektrod simini uzatish tezligi payvandlash toki kattaligi bilan chambarchas bog`liq. Tezlik shunday o`rnatiladiki payvandlash jarayoni turg`un, qisqa tutashuvlarsiz va uzulishlarsiz amalga oshsin.

13.7-rasm. Payvandlash tezligining yoy himoyasiga ta’siri.

Tezlik o`ta katta bo`lsa elektrod uchi va metal oksidlanib qolishi mumkin.

Himoya gazi sarfi. Himoya gazi sarfi elektrod simi diametri va payvand tok kuchi kattaligiga bog`liq ravishda tanlab olinadi. Gaz himoyasini yaxshilash uchun gaz sarfi ko`paytiriladi, metall yuzasiga saplo yaqinlashtiriladi yoki qo`shimcha ekranlardan foydalaniladi.

Gaz sarfining ortishi qoplama qoplash va erish koeffitsiyentlarini pasayib ketishiga yani metal vannani himoya gazi hisobiga sovishiga olib keladi. Himoya gazi sarfi ozaytirilsa payvand vannasi himoyasi yomonlashadi. Shuning uchun himoya gazi sarfi o`zining eng kichik miqdorlarida bo`lishi kerak va bu holatida vannani ham atmosfera gazlaridan to`liq himoya qila olishi kerak. CO2 gazi bilan 0,8 – 1,2 mm diametrdagi similar bilan payvandlashda gaz sarfi 6 – 10 L/min; 1,6 – 2,0 mm diametrdagi similar bilan payvandlashda gaz sarfi 10 – 20 L/min bo`lishi kerak.

Eng kam gaz sarfi tavrli birikmalarni qayiqcha shaklida payvandlashda ro`y beradi, o`rtachasi, uchma uch birikmalarni payvandlashda, eng ko`p sarf esa burchak choklarni payvandlashda kuzatiladi. Bundan tashqari gaz sarfi payvand chokining fazoda joylashuviga ham bog`liq.

13.8-rasm. Himoya gazi sarfini kamaytirish usullari.

Payvandlash tezligini oshirish ham himoya gazini qo`shimcha sarflashni talab qiladi.

CO₂ gazi sarfini ortib ketishi oksidsizlantiruvchi elementlar – marganets va kremniyni – ko`pmiqdorda yonib ketishiga olib keladi lekin uglerodning metal chokdagi miqdoriga ta’sir ko`rsatmaydi.