Hidga oid misollar

HIDGA OID MISOLLAR

1.Bolaligimmi eslasam, iliq yoz kechalari ko’z oldimga keladi. Hovlimizda bir tup bodom bo’lardi. Erta bahorda qiyg’os gullardi-yu, hech meva tugmasdi. Onam: ‘Bodom yolg’iz bo’lgani uchun meva qilmaydi’, deb tushuntirardi. Shu bodom tagida supa bor edi. Kun botishi bilan onam hovliga ko’loblatib suv separ, kun bo’yi oftobda qizigan yer hidi supa oldidagi rayhonlar isiga qo’shilibajib bir tarovat taratar, atrof jimjit bo’lib qolar edi.

O’. Hoshimov ‘Dunyoning ishlari’ (3-bet).

2. Ena o’lganidan ko’ra momo o’lgani ham yaxshi. Ammo bugun ona o’ldi!

Momom rayhonlar ichida yotadi. Men qabrga tuproq emas, quritilgan bir etak rayhon sochaman.

Momom xursand bo’lgani aniq. Hidlab yotadi.

U rayhon iforini, meni va bobomni qo’msab yashadi doim…

J. Jovliyev ‘Qo’rqma’ (77-bet).

3. Dostu, bugun qo’qqisdan buvim bilan olmali somsalar yopganimizni eslab qoldim. Pechdan chiqayotgan iliq ifor, stoldagi un uyumi. Un changidan burnim qichishaverib rosa askirgandim. O’sha kundagi boshqa tafsilotlarni ham eslashga rosa harakat qildim, bo’lmadi. Endi men uchun muhim bo’lgan ko’plab tafsilotlar xotiramdan o’chib bormoqda.

E. Safarli ‘ Qaytganimda uyda bo’l’ (33-bet).

4.Shahar. Savdogarlar, mirshablar, gadoylar shahari. Seldan so’ng loyqalanib oqqan daryo. Shu daryoning murdor to’lqinlari ichida men sho’rlik nima, bitta xascho’pdek yutilib ketishim mumkin. Ammo men o’zim esa shaharni astoydil yomon ko’raman. Ko’knorining isiriq slogan degchasiday badbo’y shaharda men dimiqib ketaman. Yana o’sha mustahab qilmagan, yog’ bosgan basharalar, uzun – uzun rastalarning do’konchalarida gazcho’p ushlab, xaridor kutgan yalqov boyvachchalar, charvi yegan mushukdek ko’zi yaltiroqhannotlar, oqsoq laylakning soyasidey arang – arang sudraluvchi bir to’da tilanchilar, ular – bular, xullasi, men shaharni yomon ko’raman. G’. G’ulom ‘ Shum bola’ (91 – bet).

5. Senator tushlarimdan mangu quvilgach, bobom kiradi.

Soqol qo’yib yuboribdi, oppoq emas qizig’i… qora… uzun. “Yosharib ketibsizmi?’ – deyman ko’zlarim yonib.

“ha endi yoshlar bilan yurgandan keyin… ‘ “Ex boboy!”- unga to’yib to’yib qarab turaman. Sochini o’rib do’ppi qo’ndirgan bir qiz chiqadi ortidan.

Momom! ‘Yosharyapsiz, degandim-a, momo! Ishonmovdiz, mana o’n sakkiz yoshga qaytibsiz, osilgan yuz ham, ter hidi ham yo’q, faqat ko’zlaringiz o’sha – o’sha ko’m-ko’k!’

Bobomning qo’lidan tortib g’oyib bo’lishadi, jannatning isini qoldirib.

J.Jovliyev “Qo’rqma” (81-bet).