Хх асрнинг 80-йилларидаги “Ўзбек иши” ва “пахта иши” кампаниялари туфайли ноҳАҚ айбланиб, Қатағон этилган ватандошларимиз а

ШОДМОНҚУЛОВ Маматқул - 1922 йилда Гулистон туманида туғилган. Қизил тонг (Красная Заря ) колхози экспедитори. Вилоят суди ҳукми билан 12 йил муддатга озодликдан махрум этилган.1997 йил 17 майда вафот этган.
ШОДМОНОВ Эшпўлат - 1951 йил 10 май куни Сайхунобод тумани (Ворошилов райони) “Шўрўзак” ф/у “Паймард” маҳалласида туғилган. Сайхунобод пахта йиғиш пунктида ишлаган. 1985 йил октярь ойида бошланган Иванов ва Гдлянларнинг текширув натижасида айблов эълон қилиниб, нохақдан 4 йил 6 ой меҳнат лагерида бўлган. Мустақиллик туфайли оқланган. 2002 йил 14 декабр куни вафот этган.
ШОДИЕВ Даврон - 1958 йилда Ховос райони, Чимбой қишлоғида туғилган. Ховос район Фарход хлоппунктида бош бухгалтер. Ўз ССРЖК нинг 149- 155 моддалари билан 9.07. 1980 йилда 1 йилу 6 ойга аҳлоқ тузатиш колониясига жўнатилган. Фонд хранения 145. (Янгиер архиви).
ШОДИБЕКОВ Нормамат - 1956 йилда туғилган. Сирдарё вилояти Янгиер совхози 2-бўлим бухгалтери. Ўз ССР ЖКнинг 17-149-1, 155 моддалари билан айбли деб топилиб, Ўз ССР ЖКнинг 42-моддасини қўллаб, 2 йил ахлоқ тузатиш иши тайинланиб, иш хаққининг 20% давлат ҳисобига ундирилган. 3 йилга муайян мансабларда ишлаш ҳуқуқидан маҳрум қилинган. 20-декабрь 1991-йил Ўз ССР Олий Суди жиноят ишлари бўйича бўйича коллегиясининг 1986 йил 18-июль ажрими, 3 йил ОМҚ, 3 йил МҲМЭ, мол-мулки мусодара қилинган. Сирдарё вилояти судининг 1986 йил 8-апрел ҳукми Н.Шодибековга нисбатан бекор қилинган. Унинг ҳаракатларида жиноят аломатлари йўқлиги сабабли ётқизилган.
Э
ЭШНИЁЗОВ Умрзоқ - 1917 йилда Самарқанд вилояти, Нурота тумани, Тўра қишлоғида туғилган. 1950 йили Самарқанд вилоятидан Сидарёга кўчиб келган. Ворошилов райони 2-бўлим табелчиси. 1985 йиллари пахта иши бўйича сўроқ қилинган.
ЭСИРГАПОВ Абдумажид Ирсалиевич - 1952 йил 22 февралда Мирзачўл туманида туғилган. Оқ-олтин тумани 6-бўлим раиси бўлган. Пахта иши бўйича меҳнат лагерига жўнатилган. Тергов жараёнида қийноққа солинган. 1997 йилда вафот этган.
ЭШНАЗАРОВ Рахмон - 1931 йил Жиззах вилояти, Зомин туманида туғилган.Сирдарё вилояти Оқ-олтин туманида бригадир. Пахта иши бўйича терговга тортилган ва мол-мулки мусодара қилинган. 2009 йили оламдан ўтган.