Hayvonlarning o’simliklarga o’xshashligi va ulardan farqi

Darsning usuli: Tushuntirish. savol- javob

Darsning jihozi: Geografiya faniga oid rasmlar, slaydlar va o’quv darsligi.
Darsning tashkiliy qismi:

1. O`quvchilar bilan salomlashish. 2. Navbatchilikni o`tkazish va davomatni aniqlash.

3.Siyosiy daqiqa o`tkazish. 4.O`tilgan mavzuni so`rash baholash.

Yangi darsni rejasi.

O`zbekistonning suv boyliklaridan foydalanish va ularni muhofaza qilish.

Yangi darsning bayoni.

Suv boyliklari qishloq xo‘jaligini, aholini, sanoatni suv bilan ta'minlashda, elektr energiyasi olishda, baliq ovlashda, rekreatsiya maqsadlarida foydalaniladigan yerusti va yerosti suvlaridan iborat.Suv boyliklari orasida daryolarning ahamiyati ayniqsa katta. Hozirgi vaqtda O‘zbekistonda daryo suvlari bilan 4,2 mln. ga yer sug‘orilmoqda. O‘zbekiston daryolari sanoat va maishiy xo‘jalikning suvga bo‘lgan talabini qondirishda ham muhim ahamiyatga ega. Chunki biror sanoat tarmog‘i yo‘qki, unda suv ishlatilmasin. Respublikamiz hududidagi daryolarning potensial energiya resurslari 8,8 mln. kVt bo‘lib, O‘rta Osiyo daryolari energiya resurslarining 13 foiziga teng. O‘zbekiston daryolari energiya resurslari jihatidan O‘rta Osiyoda Tojikiston va Qirg‘izistondan so‘ng uchinchi o‘rinda turadi. Respublikamizda gidroenergiya resurslaridan foydalanish maqsadida Chirchiq daryosida - Chorvoq, Xo‘jakent, G‘azalkent, Sirdaryoda - Uchqo‘rg‘on, Farhod, Qoradaryoda - Andijon GESlari qurilgan. O‘zbekiston daryolaridan baliq ovlashda va qisman suv transporti sifatida ham foydalaniladi.So‘nggi yillarda sug‘oriladigan yerlar meliorativ holatining yaxshilanishi sababli zovur suvlarining ko‘payishi, sanoatdan, maishiy xo‘jalikdan, transport korxonalaridan, chorvachilik va fermalardan chiqqan iflos (tarkibida har xil zaharli kimyoviy moddalar, bakteriyalar, neft mahsulotlari bo‘lgan) suvning bir qismi daryolarga tashlanmoqda. Natijada, daryo suvlari ifloslanib, undagi organik hayotga salbiy ta'sir etmoqda. Shu sababli O‘zbekiston suv boyliklarini toza saqlash, ularga tashlanadigan suvlarni iloji boricha tozalash lozim. Sug‘oriladigan zonadan chiqadigan va tarkibida zaharli kimyoviy moddalar, ya'ni har xil tuzlar bo‘lgan zovur suvlarini daryolarga oqizishga yo‘l qo‘ymaslik kerak. Daryo yoqalarida sanitar zonalar tashkil etish lozim.