Hayvonlarning o’simliklarga o’xshashligi va ulardan farqi

31-dars. Quyi Amudaryo - Tuproqlari, o'simliklari va hayvonot dunyosiTUPROQLARI, O’SIMLIKLARI VA HAYVONOT DUNYOSI

Quyi Amudaryo hududida eng keng tarqalgan tuproq bu o’tloq-voha tuprog’idir. Bu tuproq allyuvial yotqiziqlar ustida vujudga kelgan bo’lib, chirindi miqdori 2% atrofida.

Amudaryoning qayirlarida o’tloq-botqoq, botqoq-sho’rxok tuproqlar, to’qayzorlarida botqoq tuproqlar mavjud.

Amudaryodan uzoqlashgach, tuproq turlari o’zgarib, o’tloq-tuproq o’rnini sho’rxok va taqir tuproqlar egallaydi. Balandlik va kichik past tog’larda sur-qo’ng’ir tuproqlar, Orol dengizining quruqlikka aylangan qismida sho’rxoklar mavjud

Uning to’qayzorlarida qamish, yantoq, qo’g’a, turang’il, yovvoyi jiyda, yulg’un, chingil, qug’a, qiyoq, tal kabi o’simliklar o’sadi. Q'tloq tuproqli yerlarda bug’doyiq, ajriq, ro’vak kabilar mavjud. Quyi Amudaryoning o’zlashtirilgan qismlarida uy sichqoni, ko’rsichqon, kalamush, tipratikan va har xil qushlar (chumchuq, mayna, zarg’aldoq, bedana) yashaydi.

Daryo qayirlarida, ko’llar atrofida va to’qayzorlarda g’oz, o’rdak, oqqush, qirg’ovul, qo’ton, birqozon, qorabuzov, baklan, pelikan, ondatra, tulki, chiyabo’ri, to’qay mushugi, to’ng’iz, bo’rsiq uchraydi.

Quyi Amudaryoning o’zlashtirilgan cho’llarida yumronqoziqlar, kulrang gekkon, qum sichqoni, kaltakesaklar, o 'qilon, efa, cho'l mushugi, tulki yashaydi.

Ustyurt tabiiy-geografik o’lkasi shimolda va g’arbda Qozog’iston bilan, janubda Turkmaniston bilan, sharqda Orol dengizi va Quyi Amudaryo o’lkasi bilan chegaralanadi.