Harflari Tuzuvchi: Mahliyo Omonova

“F”
va
“G”
harflari


Tuzuvchi: Mahliyo Omonova
“F”
“Foydali axborot” metodi
Bu usuldan barcha yuqori sinf o’quvchilari o‘rtasida foydalanish mumkin. Metodni asosan dars boshida qo‘llash tavsiya etiladi. Bunda dars boshlashdan avval har bir o’quvchidan o’tilgan mavzular bo’yicha biror ma’lumot so’raladi.
Ular o‘zlari bilgan xohlagan ma’lumotni aytishi mumkin. Masalan, “Leksikologiya so’z va uning ma’nolarini o’rganadigan bo’limdir” yoki “O’zbek tilida kelishiklar soni oltita”. Metod shu tarzda davom ettiriladi.
Bu metod orqali o’quvchilar ham o’tgan mavzularni mustahkamlashadi ham ba’zi unutib qo’ygan ma’lumotlarini qaytadan eshitib yodga olishadi.
Metod o’quvchilar ketma-ketlik tartibida yoki o’qituvchi tomonidan tanlangan o’quvchilar bilan o’tkazilishi mumkin.

“Fikrlashni o‘rganamiz” metodi

Bu metoddan asosan 5-6-7-sinflarda foydalaniladi. Bu usul ikki xil ko’rinishda olib borilishi mumkin:

1. 
   O’qituvchi tomonidan qog’ozchalarga so’zlar yoziladi va ular aralashtirilgan holda o’quvchiga taqdim qilinadi. O’quvchi xohlaga birini tanlab shu yozilgan so’z asosida yoki shu so’zni ishtirok ettirgan holdan matn tuzadi.
   
2. 
   O’quvchilar bilan dars mashg’uloti sinf xonasida emas maktab hovlisida yoki maktab bog’ida olib boriladi. Bunda o’quvchilar atrofda qarab birinchi ko’zi tushgan narsa haqida matn tuzishlari kerak bo’ladi. Masalan, o’quvchi atrofga qarab birinchi atirgulni ko’rdi va quyidagicha matn tuzishi mumkin. “ Men atirgullarni juda yaxshi ko’raman. Ular qizil, pushti, sariq ranglarda ochiladi. Bayramlarda oyijonimga atirgullarni sovg’a qilaman….”.
   

O’quvchilar matnlarini tuzib bo’lganlaridan keyin o’qituvchi eng chiroyli va mazmunli tuzilgan matnlarni aytib o’tadi. Bu metod orqali o’quvchilarning og’zaki nutqi o’sadi va fikrlash doirasi kengayadi.