Harbiy-texnik instituti konstitutsiyaviy huquq

1.Qonunlar ustunligi va uning barcha uchun majburiyligi.
Bu 
tamoyilga asosan O‘zbekistonning barcha qonunlari va boshqa huquqiy 
normalari muqaddas bo‘lib, ularga huquq subyektlari amal qilishi. 
2. Qonuniylikning yagonaligi tamoyili.
Bu esa O‘zbekiston 
hududida qonunlar bir xilda qo‘llanishini, barcha fuqarolarning qonun 
oldida tengligini. 
3.Qonuniylikni maqsadga muvofiqlik asosida buzilmasligi 
tamoyili. 
Respublikamiz hududida amaldagi qonunlarni va boshqa 
normativ hujjatlarni aniq bajarish har bir davlat organi, jamoat 
birlashmalari, mansabdor shaxs va fuqarolar uchun shartdir. Ammo 
hayotda shunday kishilar va rahbarlar borki, ular o‘zlarining qonunga xilof 
xatti-harakatlarini, go‘yo qonunning eskirib qolganligi bilan va bugungi 
kun talablariga javob bera olmasligi bilan yoxud qonunda mahalliy sharoit 
hisobga olinmagan, degan bahonalar bilan oqlaydilar. 
Basharti, amaldagi qonunlar eskirib qolgan bo‘lsa, u belgilangan 
tartibda davlat hokimiyatining oliy vakillik organi – Oliy Majlis 
tomonidan o‘zgartiriladi yoki bekor qilinadi. Mamlakatimizda 
qonunlarning ishlab chiqilishi va qabul qilinishi xalqning teng ishtirokida 
demokratik asosida o‘tadi. Qonun loyihasi ustida olib boriladigan 
ishlarda shu qonun loyihasiga bevosita taalluqli bo‘lgan shaxslar, davlat 
organlari va jamoat birlashmalari ishtirok etadilar. 
4.Qonuniylikning aholi madaniy darajasi bilan bog‘liqligi.
Qonuniylik aholining madaniy darajasi bilan, davlat organlari, jamoat 
birlashmalari, mansabdor shaxslar va fuqarolarning huquqiy ongi va 
huquqiy madaniyati bilan bog‘liq bo‘ladi. Kishilarning huquqiy ongi 
qancha yuqori bo‘lsa qonunni buzish hollari shunchalik kam bo‘ladi. 
5. Qonuniylikni ta’minlashda xalqning ishtiroki.
O‘zbekistonda 
fuqarolar qonuniylikni ta’minlashda va huquqiy tartibotni 
mustahkamlashda faol ishtirok etadi.