Harbiy-texnik instituti konstitutsiyaviy huquq

uchinchidan, 
Senatda doimiy asosda ishlovchi senatorga, agar u 
Toshkent shahrida turar joyga ega bo’lmasa, bergan arizasiga binoan 
vakolati amal qiladigan muddatga oila a’zolari bilan yashashi uchun 
Toshkent shahrida xizmat turar joyi beriladi.
Umuman, parlament a’zosi faoliyatining kafolatlari unga o’z 
faoliyatini to’la amalga oshira olishi uchun zarurdir. 
Parlament a’zolarining davlat hokimiyati organlari bilan o’zaro
munosabatlari 
Qonunlarga rioya qilish, ularni ijro etish va qonun normalari bilan 
tartibga solishga ehtiyoj tug’ilayotgan jamiyatdagi ijtimoiy munosabatlarni 
aniqlash, amaldagi qonun hujjatlarini hayot talablari bilan muntazam 
uyg’unlashtirishda O’zbekiston Respublikasi Oliy Majlisi tomonidan 
amalga oshiriladigan parlament nazoratialohida ahamiyat kasb etadi.
Shubhasiz, parlament nazorati qonun chiqaruvchi organning hozirgi 
kundagi eng samarali ko’rinishi hisoblanadi. Parlament nazorati qonun 
hujjatlari ta’sirchanligini oshirishning va ayni chog’da jamiyatning 
huquqiy ehtiyojlarini tezkor aniqlashning samarali vositasi hisoblanadi. 
Parlamentning nazorat vazifalari muhimligini qayd etgan fransuz 
tadqiqotchisi B. Shantebu hatto tarixiy jihatdan qonunchilik vazifasi ham 
undan kelib chiqqan, deb hisoblaydi
1
.
Oliy Majlis palatalari a’zolari qonunlarning ijrosi ustidan muntazam 
nazoratni tashkil etish tajribasini to’plab, o’z saylovchilarining fikr-
mulohazalarini sinchiklab o’rganmoqdalar, tegishli soha mutaxassislari 
bilan samarali hamkorlik qilmoqdalar. Bu ko’p jihatdan fuqarolarning 
1
Қаранг
: 
Керимов
А
.
Д
. 
Парламентское
право
Франции
. – 
М
.: 
Норма
, 1998.– 
С
.78.

---

490 
xohish
-
irodasi, mutaxassislar va ekspertlarning takliflari qonunlarni 
takomillashtirishda muhim omil bo’lishiga yordam bermoqda
2
. 
“Albatta, qonun chiqaruvchi hokimiyat o’zining istalgan ko’rinishida 
hukumatni nazorat qilar va faoliyatiga qonuniy tus berar ekan, unga 
hukmini o’tkaza olmaydi. Bu demokratiyaning a’moli”
3
.
Darhaqiqat, parlament nazoratining muhim ko’rinishi sifatida, 
parlament so’rovi, deputat va senator so’rovi parlament a’zolarining davlat 
boshqaruv organlari bilan munosabatlarida muhim o’rin tutadi.