Халкаро савдо

 
6.6. Мамлакат расмий валюта резервларининг ўзгариши 
 
Марказий банк юзага келган макроиқтисодий вазиятга таъсир этиш 
мақсадида хусусий бозорларда халқаро валюта резервларини сотади ёки сотиб 
олади. Бундай битимлар расмий валюта интервенциялари деб аталади.
Марказий банк хорижий активларни сотиб олганда ва сотганда ушбу 
битим капитал ва молиявий воситалар билан операциялар счётида хусусий шахс 
томонидан амалга оширилган битимлар сингари акс эттирилади.
Марказий банкда расмий валюта резервларининг ўсиши дебетда «минус» 
ишораси билан акс эттирилади. Чунки ушбу операция хориж валютасининг сарф 
қилиниши кўзда тутади ва импорт операцияси сингари юз беради. Аксинча, 
хорижий валюта расмий резервлари камайиши кредитда «плюс» ишораси 
ҳисобга олинади. Бу ҳолатда хориж валютаси таклифи ўсади ва ушбу операция 
экспорт сингари юз беради.
Ҳозирги вақтда расимий валюта резервларига монетар олтин, нақд 
кўринишдаги хориж валютаси, чет давлатлар ҳукуматларининг депозидлари ва 
қимматбаҳо қоғозлари, СДР ва ХВФдаги резерв позиция киритилади. 
Шундай қилиб, тўлов балансининг расмий валюта резервлари ўзгариши 
моддасида расмий ҳисоб-китоблар тўлов балансининг тартибга солиш усусллари 
ва манбалари акс этади. Расмий ҳисоб-китоблар балансини назарда тутувчи 
тўлов баланси камомади Марказий банкнинг хорижий валютани соф сотишига 
аниқ равишда тенг ва аксинча, тўло балансининг ижобий сальдоси Марказий 
банкнинг хорижий валютани соф сотиб олишига аниқ равишда тенг бўлади.
Халқаро ҳисоб-китоблар амалиётида соф валюта резервлари кўрсаткичи 
ҳам қўлланилади. Бу кўрсаткич мамлакатнинг хорижий кредиторларга қарзни 
уза олиши имкониятини баҳолашга имкон беради, яъни Марказий банк 
томонидан амалга оширилаётган пул-кредит сиёсати ишончни қозонаётганлиги 
валюта курсни тизими тўғри танланганлиги ҳақида фикр юритишга имкон 
туғдиради.

---

108 
Соф расмий валюта резервларининг миқдори валюта резервларининг 
импортни тўлашга етарлилик кўрсаткичини ҳисоблаб топишга имкон беради. 
Ушбу кўрсаткич қуйидаги ҳисобланади: