Халықаралық Ғылыми-тәжірибелік конференция елі

АҚПАРАТТЫҚ ХАТ


«ӘУЕЗОВ ОҚУЛАРЫ-20: ҚАЗАҚ ӘДЕБИЕТІНІҢ КЛАССИГІ М.О. ӘУЕЗОВТІҢ
125-ЖЫЛДЫҒЫНА АРНАЛҒАН»
ХАЛЫҚАРАЛЫҚ ҒЫЛЫМИ–ТӘЖІРИБЕЛІК КОНФЕРЕНЦИЯ


Елі: Қазақстан Республикасы
Өткізілетін орны: Шымкент қаласы, Тәуке хан даңғылы, 5.
Өткізу уақыты: 14-15 сәуір 2022 ж.
Пленарлық мәжілістің өткізілетін орны және уақыты: бас ғимарат, сағ.10.00, 340 ауд.
онлайн және офлайн режімінде.
Ұйымдастырушы: М.Әуезов атындағы Оңтүстік Қазақстан университеті

«Әуезов оқулары» конференциясы 2002 жылдан бері дәстүрлі түрде жыл сайын өткізіліп келеді және конференция еңбектерінің жинағы РИНЦ халықаралық дәйексөз базасына кіреді. Бұл іс-шара «Ғылым, бизнес және үкімет» буындарын байланыстыратын ірі халықаралық ынтымақтастық болып табылады.

«ӘУЕЗОВ ОҚУЛАРЫ-20: «ҚАЗАҚ ӘДЕБИЕТІНІҢ КЛАССИГІ М.О. ӘУЕЗОВТІҢ 125-ЖЫЛДЫҒЫНА АРНАЛҒАН» Халықаралық ғылыми – тәжірибелік конференциясы ғылыми-ақпараттық платформасы болып табылады, барлық ғалым-зерттеушілер Президенттің «Халық бірлігі және жүйелі реформалар – ел өркендеуінің берік негізі» Жолдауында қойылған міндеттер бойынша онлайн және офлайн-пікірталастарға қатысуға мүмкіндік береді және шетел ғалымдарының қатысуымен пікірсайыс алаңына айналады. Біздің ынтымақтастығымыздың басты нәтижесі Қазақстанда жаңа білім базасын құру және әлемдік ғалымдардың қатысуымен бүкіл Орталық Азия үшін тұрақты ғылыми іс-әрекеттерді қалыптастыру болып табылады.
Конференция аясында «Мен келмеске кетермін» немесе «М.Әуезовтің Абай ұрпақтарына ықпалы» тақырыбында дөңгелек үстел, М.Әуезов атындағы мемориалдық-мұражай үйінің директоры Дияр Қонаевпен әдеби-танымдық сұхбат ұйымдастыру және Мұхтар Әуезовтің 125 жылдығына орай ұлы жазушының қаламынан туған еңбектері негізінде көрме ұйымдастырылады.

Конференция жұмысы келесі секциялар бойынша өткізіледі:

1.	М.О. Әуезовке 125-жыл: Қазіргі тіл білімі және әдебиеттанудың мәселелері;
2.	Тарих және қазіргі заман: Тәуелсіз Қазақстанның ақиқаты;
3.	Білім беру және мәдениет аясында инновациялық қызметке болашақ педагогтарды кәсіби тұрғыдан даярлау;
4.	Экономиканы цифрландыру - Қазақстанның әлеуметтік-экономикасын дамытудың - факторы ретінде;
5.	«ХХІ ғасырдағы заң ғылымы: өзекті мәселелері мен бағыттары және оларды шешу жолдары»;
6.	«Ақылды технологиялар» – Қазақстанның агроөнеркәсіп кешенін қарқынды дамыту мүмкіндігі;
7.	Химиялық технологияларды дамытудың заманауи бағыттары, металлургия, мұнайгаз ісі, нано-биотехнология және силикат материалдары;
8	Жеңіл және тамақ өнеркәсібінің даму болашағы;
9.	Құрылысқа және машинажасауға заманауи технологияларды енгізу;
10.	Тіршілік қауіпсіздігі, экология және қоршаған ортаны қорғау;
11.	Жаңартылған энергетика, ресурстар және энергияны сақтаушы технологиялар;
12.	Физика-математикалық ғылымдар саласындағы теориялық және қолданбалы зерттеулер, өндірісті автоматтандыру мен IТ-технологиялар;
13.	Бәсекеге қабілетті тұлғаны психологиялық тұрғыдан тәрбиелеу мен дамытудағы спорттық сауықтыру аспектілері;
14.	Қазіргі ғылыми кеңістіктегі философия және саяси әлеуметтік ғылымдардың орны мен ролі.

Конференция тақырыбы бойынша маңызды ғылыми-зерттеу нәтижелері бар Қазақстан Республикасы және шетел мемлекеттерінің жоғары оқу орындары мен ғылыми-зерттеу институттарының профессор-оқытушылар құрамы мен ғалымдары конференция жұмысына қатысуға шақырылады.

Конференция онлайн-офлайн форматта өтеді. Онлайн-алаңның мекен-жайы қосымша жарияланады.