Халқаро туризм

Kredit qobiliyatligi. Turfirmada o‘z faoliyatini ta’minlash va tuzilgan shartnomalar bo‘yicha o‘z vaqtida hisob-kitobni amalga oshirish uchun moliyaviy vositalar mavjudligi. Litsenziyaga amal qilish muddati davomida uni tugashigacha o‘z kuchini saqlab qoluvchi huquqiy qobiliyatlilikdan farqli ravishda kredit qobiliyatlik doimiy o‘zgarib turishi mumkin. Ba’zan firma hisobida pul mablag‘lari qolmaydi va turfirma yagona kredit qobiliyatligi kafolati avans to‘lovlarigina bo‘lib qolishi mumkin. Xorijiy turfirma bilvosita kredit qobiliyatligi tasdig‘i bo‘lib uning sotiladigan boyliklari mavjudligi asosiy fondlar va moliyaviy javobgarligining sug‘urtalangani hisoblanadi.

Layoqatligi. Firma qobiliyati tuzilgan bitimlardan kelib chiqadigan barcha majburiyatlar va xarajatlarni bajarishi bilan belgilanadi. Oborot, ixtisoslashganlik, bozoriy ulush, turindustriyalar, transport kompaniyalari bilan aloqa sotish tarmoqlari mavjudligi, turmahsulotni bozorda harakatlanmoqlari mavjudligi, turmahsulotni bozorda harakatlantirish imkonini, xodimlar soni va malakasi kabi ko‘rsatkichlar layoqatlik mezoni bo‘lib xizmat qiladi. Ko‘rib chiqilgan masalalarni o‘rganish natijasiga qarab, turoperator uning uchun istiqbolliroq bo‘lgan xorijiy turfirma (turfirmalar) bilan sheriklik aloqalarini o‘rnatish haqida qaror qabul qiladi.Hamkorlik shartlari ularning kelishuvidan keyin tegishli huquqiy xujjatlarda (kontrakt, shartnoma, bitim, xatlar) qayd etiladi. Ushbu shartlar tomonlarning bir-biri va turistlar oldida javobgarligi va majburiyatlariga, bitimning son va miqdor ko‘rsatkichlariga taaluqli bo‘lishi kerak.