Халқаро туризм

Саргузашт туризми.
Бу туризм дам олишнинг ўзига хос тури 
ҳисобланади. У туристларни нафақат уларни маҳлиё қилган жойларда 
бўлишини таъминлайди, балки ғайриодатий фаолият билан ҳам шуғулланишига 
имкон беради. Саргузашт туризми бир неча хил кўринишларга бўлинади: 

поход экспедицияси; 

сафари турлар (ов, балиқ овлаш, капалаклар тутиш ва бошқ.); 

дарё ва денгиз саёҳати (яхталарда). 
Бундай туризм специфик қирралари лицензия олиш (овга, балиқ овлашга, 
ўлжани олиб келишига) заруратига эга. Шунингдек хавфсизликни таъминлаш 
учун юқори малакали инструкторлар талаб этилиши ҳисобланади. Туризмнинг 
мазкур турли кўринишлари қиймати жуда баланд бўлиб, бу нуфузли кишилар 
учун дам олишга мўлжалланган. 
Экзотик туризм.
Бу туризм тури экзотик мамлакатларга, Тинч ва 
Атлантика океанлари оролларига, саёҳат билан ёки ғайриоддий транспорт 
воситасида саёҳат қилиш билан боғлиқ. Кейинги йилларда ўзининг 
ғайриоддийлиги билан ҳайрон қолдирувчи сафарлар пайдо бўлди. Ҳозирча энг 
ҳайратлиси ва ўта қимматлиги космосга учишдир. Россия космик кемасида 
космосга биринчи учган турист Денис Титодан сўнг фазога саёҳат амалга 
ошадиган орзуга айланди. Россиянинг «Бўрон» космик кемасида бу экзотик 
саёҳат учун 100 000 АҚШ доллари тўлаб, яқин йилларда фазога парвоз қилиши 
иштиёқини билдирганлар руйхати аллақачон тузилган. 
Экзотик туризмга саунаси, бассейни, конференц зали ва бошқа 
қулайликларга бўлган музёрар кемада Арктикага саёҳат қилиш ҳам мисол бўла 
олади. Музёрар кема экскурсия учун катерлар ва вертолётлар билан 
жиҳозланган. Махсус сувости кемасида сув ости олами билан танишишни 
истовчилар ҳам кўп. Германияда экзотикани севувчи туристлар учун собиқ 
турмахона жуда ҳам машҳур. Бу ерда сайёҳлар ўзини ҳибсда ҳис қилишлари 
мумкин. 
Экологик туризм
(экотуризм) кейинги йилларда ўзига диққат – 
эътиборни жалб этаяпти. Европа ва Америка аҳолиси учун қўриқланаётган 
табиий ҳудуд бўйлаб саёҳат қилиш дам олишнинг энг кенг тарқалган 

---

17 
турларидан бири бўлиб қолмоқда. Туризмнинг мазкур тури бош фарқи 
қирралари шундаки, саёҳат нигоҳида бўлган табиий атроф-муҳитга туристлар 
зарар етказмасликка ҳаракат қиладилар. Табиатни муҳофаза қилишга ва 
маҳаллий аҳоли фаровонлигини яхшилашга кўмаклашадилар. Экотуризм атроф 
– муҳитни муҳофаза қилишни рағбатлантириш учун даъват этилган. Бу 
саёҳатнинг қамрови кенг – мактаб ўқувчилари учун катта бўлмаган билим 
орттириш сафарларидан тортиб, то миллий парк ва қўриқхоналардаги мунтазам 
туристик дастурларгача ўз ичига олади. Туризмнинг бу туридан олинадиган 
даромад қисман табиатни муҳофаза қилиш тадбирларига йўналтиради. 
Ижтимоий туризм
– ижтимоий эҳтиёжлар учун давлат томонидан 
ажратиладиган маблағ ҳисобига амалга ошириладиган саёҳатдир. Ижтимоий 
туризмдан мақсад даромад олиш эмас, кам даромадли кишиларни қўллаб – 
қувватлаш, уларни дам олишга бўлган ҳуқуқларини таъминлашдир.