"Халқаро молия ва ҳисоб" илмий электрон журнали. №2, апрель, 2020 йил

 

  MAVZUGA OID ADABIYOTLAR TAHLILI 

“Islom  iqtisodiyoti”  atamasi  ilk  bor  hindistonlik  musulmon  olimi  Sayyid 

Manazir  G‘iloniyning  1947-yilda  urdu  tilida  chop  etilgan  “Islom  iqtisodiyoti” 

kitobida  foydalanilgan.  Saudiyalik  iqtisodchi  olim  Muhammad  Umar  Chapraning 

fikricha,  islom  iqtisodiyoti-noyob  resurslarni  islom  dini  ta’limotiga  muvofiq 

ravishda taqsimlash vositasida inson farovonligiga erishish uchun yordam beruvchi 

bilimlar  tarmog‘ini  o‘zida  aks  ettiradi,  bunda  shaxs  erkinligining  daxlsizligi 

ta’minlanadi  hamda  davomiy  makroiqtisodiy  va  ekologik  nomuvofiqlikka  yo‘l 

qo‘yilmaydi.[9] 

Islom  iqtisodiyoti  va  uning  alohida  jihatlari  bo‘yicha  ko‘plab  mashhur 

asarlar  mualliflari-nufuzli  fiqhshunos  olim  Yusuf  Qarzoviy  va  Taqiy  Usmoniy 

hisoblanadi.[2]Yurtimiz olimlaridan Shayx Muhammad Sodiq  Muhammad Yusuf 

“Bozor  va  unga  bog‘liq  masalalar”,  “Qarz  va  unga  bog‘liq  masalalar”  asarlarida 

islom  iqtisodiyotiga  oid  ma’lumotlar  keltirilgan.  Ushbu  asarlarda  sotuvchi  va 

xaridor  o‘rtasida  yuzaga  keladigan  masalalar,  shartnom  va  uning  turlari  islom 

shariati asosida atroflicha yoritib berilgan.