"Халқаро молия ва ҳисоб" илмий электрон журнали. №2, апрель, 2020 йил

 

TAHLIL VA NATIJALAR 

Birinchi islomiy bankga 1963-yil Misrda asos solingan. Reuter agentligining 

---

“Халқаро молия ва ҳисоб” илмий электрон журнали. №2, апрель, 2020 йил 

ma’lumotiga ko‘ra bugungi kunda 300 dan ortiq islom banklari va 200 dan ortiq 

islomiy  darchalar  dunyoning  67  davlatida  faoliyat  ko‘rsatmoqda.[6]  Islom 

banklarining umumiy  kapitali 2 trillion AQSh dolloridan oshdi.[6] Islom banklari 

quyidagi  banklarda  rivojlangan:  Iron,  Quvayt,  Malayziya,  Saudiya  Arabistoni, 

Birlashgan  Arab  Amirligi,  Turkiya,  Bangladesh,  Pokiston.  Bundan  tashqari  islom 

banklari AQSh, Kanada, Buyuk Britaniya, Germaniya, Fransiya, Italiya, Irlandiya, 

Leyksemburg  va  boshqa  davlatlarda  ham  faoliyat  ko‘rsatmoqda.  Islom  banklari 

kredit tizimini adolatliligi, nafaqat olingan foyda balki,  zararni ham bank va mijoz 

o‘rtasida  taqsimlanishi  islomdan  boshqa  din  vakillarida  ham  katta  qiziqish 

uyg‘otdi. 

O‘zbekistonda islomiy moliyalashtirishga asosan loyihalarni amalga oshirish 

2004-yildan  boshlangan  va  bu  O‘zbekistonning  2003-yil  sentabrda  Islom 

taraqqiyot  bankining  a’zoligiga  qo‘shilishi  bilan  bog‘liq.  [9]  2004-yilda  Islom 

taraqqiyot  banki  tomonidan  energetika  va  sog‘liqni  saqlash  sohasida  loyihalarni 

moliyalashtirish uchun “ijara” va murobaha shartnomalaridan foydalanilgan. 

Islom  insonni  faqat  ruhiy  tarbiya  qiladigan  din  emas,  balki  jamiyatda  keng 

qamrovli ijtimoiy, iqtisodiy, siyosiy munosabatlarni tartibga soladigan tizimdir. Bu 

tizimning asosiy manbalari muqaddas Quroni Karim, Payg‘ambarimiz Muhammad 

Alayhisalomning  sunnatlari  hisoblanadi.Islomiy  moliyaviy  tizimni  shariat 

tomonidan shakllantirilgan  asosiy  tamoyillarni  buzmagan holda, iqtisodiy  faoliyat 

yuritishga  imkon  beruvchi  moliyalashtirish  mexanizmlari  va  usullari  majmui 

sifatida tavsiflash mumkin.[2]  

Islom  iqtisodiyoti  an’anaviy  iqtisodiyotdan  tubdan  farq  qiladi.Xususan, 

islom qonunlari qarz oldi berdisida foiz (ribo) olish va to‘plashni qat’iy taqiqlaydi. 

Musulmonlar  daromadlari  halol,  to‘g‘ri  yo‘llar  orqali  kelishi  kerak.  Shuningdek, 

mablag‘larni  sarflash  ham  xoh  u  o‘z  ehtiyoji  uchun  bo‘lsin  yoki  xoh  u  jamiyat 

ehtiyoji  uchun  bo‘lsin  shariatga  muvofiq  tarzda  amalga  oshirilishi  kerak.Hamma 

mulk  Allohniki  va  u  jamiyato‘rtasida  birgalikda  foydalanish  uchun  yaratilgandir. 

Mulki  nisobga  yetgan  musulmonlar  bechora  kambag‘al  va  aholini  yordamga 

muhtoj qismiga yordam berishi kerak. Bu esa islom ustunlaridan biri bo‘lgan zakot 

tizimi orqali amalga oshiriladi.[1]