Хал= таълими вазирлигининг 2004 йил

2.8. Лаборантнинг физика ўқув-лаборатория хонасида халатсиз юриши ва ўқитувчининг амалий машғулотларни халатсиз ўтказиши қатъиян ман этилади.
2.9. Ҳар бир намойиш қилинадиган тажриба ва лаборатория машғулотлари хавфсизлик нуқтаи назаридан ўқитувчи томонидан синчиклаб кўрилган бўлиши керак, тажрибаларни ўтказишда эса ўқитувчи техника хавфсизлиги қоидаларига аниқ риоя қилишга ўрнак кўрсатмоғи лозим.
2.10. Ўқитувчи тажриба ва намойишлар, лаборатория ишларини бажаришдан олдин ўқувчиларни тажрибани ўтказиш тартиби ва техника хавфсизлиги қоидалари билан таништириб, уларнинг имзоларини олиш зарур. Техника хавфсизлиги қоидаларига риоя қилиш жавобгарлиги ўқувчилар билан машғулот олиб бораётган ўқитувчи зиммасида бўлади.
2.11. Физика ўқув-лаборатория хонасида ўтказиладиган тажриба намойиш ва лаборатория ишларида фақат физика ўқитувчисининг ва лаборантнинг ёки тўгарак раҳбарининг борлигида, уларнинг раҳбарлигида ва техника хавфсизлиги қоидаларига тўлиқ мос келган ҳолда ўқувчиларнинг ҳаракатини, ишларнинг бажарилишини доимо кузатган ҳолда ўтказилади.
2.12. Жиҳозлар, ўқув-лаборатория асбоб-ускуналари, кимёвий моддалар номлари ёзилган маълумотлар дафтари тутади ва унга синф хонадаги барча жиҳозларнинг номларини инвентар рақамлари билан мос холда тартиб асосида ёзади ҳамда шу рўйхат асосида назорат олиб боради.
2.13. Дафтар уч қисмдан иборат бўлади:
1-қисм: Мебель ва жиҳозлар (плакатлар, кўргазмали ва проекцион материаллар ва бошқалар);
2-қисм: ўқув лаборатория асбоб-ускуналари;
1 ва 2-қисмлар учун 4-шаклдаги жадвал асосида юритилади.
3- қисм кимёвий моддалар;
3-қисм 2-шаклдаги жадвал асосида олиб борилади.

2-шакл Т/Р