Халқ таълими вазирлиги ҳузуридаги “Оила – маҳалла – таълим муассасаси” ҳамкорлиги Жамоат кенгаши тўғрисидаги низомни тасдиқлаш ҳақида

II. Ota-onalar universitetining maqsad va vazifalari

Ota-onalar universiteti ota-onalarning ta’lim muassasalari bilan hamkorliklarini ta’minlash, ularning pedagogik, huquqiy, psixologik, tibbiy, ma’naviy-ma’­rifiy bilimlarini muntazam oshirib borish, o`quvchi yoshlar ta’lim-tarbiyasiga ilmiy yondoshuvlarini, bu borada hukumatimiz tomonidan qabul qilingan qonun va me’yoriy hujjatlarni, ma’muriy ko`rsatmalarni, uslubiy tavsiyanomalarning samarali bajarilishi uchun oila, mahalla, maktab hamkorligi faoliyatini o`ziga xos pedagogik tizim, uslub va shakllarini amalga oshirish maqsadida quyidagi vazi­falarni ko`zda tutadi:

Respublikamiz ta’lim tizimida amalga oshirilayotgan islohotlar mazmuni bilan ota-onalarni o`z vaqtida xabardor etib borish;
Yosh avlodning ma’naviy-ahloqiy tarbiyasida xalqning boy milliy, ma’naviy, tarixiy an’analariga, urf-odatlari hamda umumbashariy qadriyatlarga asoslangan samarali tashkiliy pedagogik shakl va vositalaridan, jumladan, xalq pedagogikasidan foydalanish;
O`quvchilarning yosh xususiyatlaridan kelib chiqib, mun­tazam ravishda ota-onalarga mutaxassislar ishtirokida pedagogik-psixologik tushuncha, maslahatlar va ko`rsatmalar berish;
Barkamol avlodni tarbiyalashda oila, mahalla, maktab hamkorligi konsepsiyasini hayotga izchil tadbiq etish;
O`quvchilarni umumiy o`rta ta’limdan keyingi ta’lim turiga izchil o`tishlarini ta’minlash, ularni kasb-hunarga yo`naltirish masalasini hamkorlikda hal etish;
Yosh oilalar bilan ishlash, ularga farzand va uning tarbiyasi haqida pedagogik, tibbiy, psixologik tushuncha va maslahatlar berish bo`yicha o`quvlar o`tkazish;
O`quvchi yoshlarni oilaviy hayotga tayyorlash ishlarini tashkillashtirishda hamkorlik qilish;
O`quvchilarning ma’naviy-ma’rifiy, jismoniy tar­biyasi uchun oilada darsxona va boshqa shart-sharoitlar yaratish;
Oilada huquqiy tarbiyani yaxshilash, oila a’zolarining o`z huquq va burchlarini anglab etishlari va ularga rioya qilishlarini ta’minlash;
Oilada sog`lom muhitni yaratish, milliy ruh va turmush tarzini hisobga olib, farzandlar uchun toa-ona har tomonlama o`rnak bo`lishlari kerakligini ularga singdirish hamda o`z farzandlarida ota-onaga, Vatanga muhabbat tuyg`ularini shakllantirish;
Bolalarning ota-onalar orqali bo`sh vaqtlarini pedagogik nuqtai-nazaridan kelib chiqib, mazmunli va unumli tashkil qilish hamda qo`shimcha to`garaklarga, maktabdan tashqari ta’lim muassasalariga yo`naltirish;
Farzandlarning maktab, mahalla, davlat va jamiyat oldidagi burchlarini to`la ado etishlari uchun oila mas’uliyatini oshirish;
Farzandini barkamol etib tarbiyalashda ota-onalarning huquqiy, tibbiy, pedagogik, psixologik savodxonligini ta’minlash;
Ta’lim-tarbiya sohasiga ota-onalar e’tiborini yanada kuchaytirish, bu borada hukumatimiz tomonidan qabul qilingan qonun hujjatlari, yo`riqnoma va ko`rsatmalarning samarali bajarilishi uchun ularning maqsad, mazmun- mohiyatini tushuntirish kabi yosh avlod tarbiyasi yo`lida ta’lim muassasasi va ota-onalar hamkorligini samarali tashkil etishga qaratilgan vazifalardan iborat.
Shuningdek, ota-onalar talab va ehtiyojlaridan kelib chiqib yoki ta’lim muassasasi pedagogik jamoasi fikriga ko`ra, qo`shimcha mavzular asosida, o`quvlar tashkil etish maqsadga muvofiqdir.