Халқ таълими вазирлиги ҳузуридаги “Оила – маҳалла – таълим муассасаси” ҳамкорлиги Жамоат кенгаши тўғрисидаги низомни тасдиқлаш ҳақида

III. Ota-onalar universitetini tashkil
etish va unga rahbarlik

Ota-onalar universiteti faoliyati ta’lim muassasasi rahbariyatining maxsus buyrug`i bilan jamoatchilik asosida tashkil etiladi. Ta’lim muassasasi rahbari yoki ma’naviy va ma’rifiy tarbiya bo`yicha direktor o`rinbosari jamoatchilik asosida universitet rahbari (rektori) vazifasini bajaradi.

Ota-onalar universiteti o`z ishini har o`quv yilining boshidan boshlab, yil davomida faoliyat ko`rsatadi va ayrim mavzular bo`yicha mutaxassis ma’ruzachilar taklif etilishi lozim.
Ota-onalar universitetida mashg`ulotlar har oyda bir marta o`tkaziladi va unda barcha yoshdagi ota-onalarning dolzarb vazifalari va muammolari qamrab olinishi maqsadga muvofiqdir.
Mashg`ulotlar ota-onalar qo`mitasi bilan kelishilgan holda ta’lim muassasasi rahbariyati tomonidan o`quv yili boshida tasdiqlangan o`quv rejasi asosida olib boriladi.
Mashg`ulotlar qiziqarli, davra suhbati, ma’ruza, munozara, seminar, trening mashg`ulotlari kabi ta’sirli, noan’anaviy shakllarda tashkil etiladi.


IV. Ota-onalar universitetining tinglovchilari
Ota-onalar universitetining tinglovchilari ta’lim muassasasi o`quvchilari va sinflar soniga ko`ra bir necha guruhlarga bo`linishi mumkin. Jumladan, yosh ota-onalar, boshlang`ich sinf o`quvchilarining ota-onalari, bitiruvchi sinf o`quvchilarining ota-onalari, katta hayotiy tajribaga ega bo`lgan ota-onalar guruhlariga bo`linishi mumkin. Ayrim holatlarda ta’lim sohasidagi yangiliklar yoki dolzarb mavzular bo`yicha o`quv kurslari tashkil etiladi.
Ota-onalar universiteti o`z faoliyati davomida ijodkor ota-onalar, adiblar, olimlar, san’atkorlar, mahallaning taniqli kishilari, faollari bilan uchrashuvlar o`tkazishi maqsadga muvofiq.


V. Ota-onalar universiteti faoliyatiga oid hujjatlar

Ota-onalar universiteti hujjatlari maktab ish yuritish hujjatlari bilan birgalikda saqlanadi.

Ota-onalar universiteti hujjatlari quyidagilardan iborat:
Ota-onalar universiteti faoliyatini tashkil etish to`g`risidagi maktab direktori buyrug`i;
O`quv yili uchun ish reja;
Mashg`ulotlarni qayd etish jurnali;
Mashg`ulotlarning ma’ruza matnlari;
Yillik hisobot.
Ota-onalar universiteti faoliyatiga oid hujjatlar 3 yilgacha saqlanadi.
XTV ning 2005 yil 22 oktabrdagi 262-sonli buyrug`iga ilova.
Ta’lim taraqqiyoti 2005 yil 6-soni.