Guruh talabasi Axmedov Sanjarning,,xalqaro logistik xizmatlar tizimi” fanidan qayta topshirish ishi

Dengiz transporti. Gamburg qoidalari Gaaga qoidalarini almashtirishi lozim bo‘lgan. Garchi Gamburg qoidalari konosamentlarni tartibga soluvchi aniqroq holatlarni o‘z ichiga olsada va aylanmaydigan transport hujjatlaridan foydalanishni ko‘zda tutsada, Gaaga qoidalaridan ko‘ra yaxshiroq, ularda dengiz orqali yuklarni tashish hujjatlarini tartibga soladigan huquq me’yorlarining hech qanday tub o‘zgarishlarini o‘z ichiga olmaydi. Havo transporti. 1955 yildagi Gaaga protokoli bilan Varshava konvensiyasining 8-moddasiga o‘zgarishlar kiritilgan – yuklarni havo orqali tashish hujjatiga kiritish uchun zarur bo‘ladigan ma’lumotlar soni qisqartirilgan. Bir qancha mamlakatlar Gaaga protokolini ratifikatsiya qilmaganligi sababli, yuklarni havo orqali tashish to‘g‘risidagi har qanday unifikatsiyalangan hujjatlar dastlabki Varshava konvensiyasining talablariga, shuningdek ko‘rsatilgan Protokolning ulardan kam bo‘lmagan talablariga asoslanishi lozim. O‘z navbatida Konvensiyaning Gaaga Protokoli bilan o‘zgarishlar kiritilgan 8-moddasiga ham 1975 yilda №4 Monreal Protokoli bilan o‘zgarishlar kiritilgan, biroq bu o‘zgarishlar unchalik katta emas. Monreal Protokoli yordamida Konvensiyaning 5-moddasi o‘zgartirilgan. O‘zgartirishdan maqsad – yuklarni havo orqali tashish to‘g‘risidagi qog‘oz hujjatlarning o‘rniga elektron-hisoblash texnikasidan foydalanish bo‘lgan.

Temir yo‘l transporti. KOTIF 1980 yilda yuklarni temir yo‘llar orqali tashish bo‘yicha 1870 yildagi SIM ni almashtirgan (shuningdek temir yo‘llar orqali yo‘lovchilar va bagajni tashish bo‘yicha SIV ni ham almashtirgan), Hozirgi kungacha amal qilayotgan 1970 yildagi SIM 1893 yilda kuchga kirgan birlamchi SIM ning sakkizinchi varianti bo‘lib hisoblanadi. SIM ning alohida konvensiyalar bo‘lib hisoblanadigan oldingi variantlaridan farqli o‘laroq, 1980 yildagi KOPIF da SIM ning qoidalari asosiy konvensiyaga ilovalar sifatida berilgan. Aralash transport. Yuklarni aralash tashishlar to‘g‘risidagi Konvensiyaning qoidalari Gamburg qoidalariga asoslanadi. YUNKTAD Qo‘mitasi (aralash tashishlar to‘g‘risidagi konvensiyaning tashabbuskori) o‘zining yuklarni tashish bo‘yicha 1982 yil iyun oyidagi o‘ninchi sessiyasida YUNKTAD ning bosh kotibidan Gamburg qoidalarini hali ishtirokchi tomonlarga aylanmagan a’zo mamlakatlarga etkazishni va uning mumkin qadar tezroq kuchga kirishining maqsadga muvofiqligi to‘g‘risida xabar yuborishni iltimos qilgan.