“Gulla, yashna hur O’zbekiston

Mustaqillik kuylayman seni

Bor ovozim yo’llarim bilan
Mustaqillik kuylayman seni
Kerak bo’lsa qo’llarim bilan
Yuragim, xalqim boshingda xumo
Asra uni uchib ketmasin
Yurtlar ko’rdim dunyoda
Bir – biridan ziyoda
Mening uchun Vatanim
Bittadir bu dunyoda

Turkiston, bir Vatan bir

Qadim ona bu tuproq
Turkiston, bir Vatan bir
Bizga jondan azizroq
Turkiston, bir Vatan bir
Al Beruniy yodi bor
Yassaviy faryodi bor
Qashg’ariy ijodi bor
Turkiston, bir Vatan bir
Tangritog’ shamoli
Jayhun, Talas va Ili
Bobolarim manzili
Turkiston, bir Vatan bir
Farobiy cholg’usida
Navoiy orzusida
Shoh Bobur qayg’usida
Turkiston, bir Vatan bir
Temur bobo tug’ida
Shermuhammad ruhida
Istiqlol shukuhida
Turkiston, bir Vatan bir
Shoirlarning chiqishlari:
Al – Beruniy: Dunyoda hech narsa bordan yo’q bo’lmaydi, yo’qdan bor bo’lmaydi


Yassaviy: Dunyo uchun g’am yema
Haqdan o’zgani dema
Kishi molini yema
Sirot uzra tutaro
Mahmud Qoshg’ariy: Qut belgusi baliq, ya’ni bilim baxt keltirar


Mir Alisher Navoiy: Bilmaganni so’rab o’rgangan olim,
Orlanib so’ramagan o’ziga zolim
Shoh Zahiriddin Muhammad Bobur:
Tole yo’qi jonimg’a balolig’ bo’ldi
Har ishniki, ayladim xatolig’ bo’ldi
O’z yerni qo’yib Hind sori yuzlandim
Yorab netayin ne yuz qarolig’ bo’ldi
Amir Temur: Kuch adolatdadir. Askari quvvatli mamlakat boy bo’lur, boy mamlakatning askari quvvatli bo’lur

Raqs

Mening aziz Vatanim

O’zbekiston davlatim
Ellar ichra yagona
Borar shaxdam mardona
Aziz ona Vatanim
Noming doim tillarda
Mashhur bo’lding ellarga
Gulla, yashna doimo,
O’g’il – qizlaring dono
Aziz ona Vatanim
Ta’riflashga ojiz
So’zlasa tilim
Go’zaldir bu chaman
Mening Vatanim
Istiqlol bu, istiqlol
Nurli hayot degani
Qo’rg’on butun, el – yurt tinch
Vatan obod degani
Xumo: Ming tasanno aziz o’quvchilar. Men bu yerga kelib sizlarning ona Vatanimizni qanchalik sevishlaringizni ko’rib nihoyatda xursand bo’ldim. Doimo vatanni sevib yashang.
O’qituvchi: rahmat Xumo qishi.
Bizning Vatanimizning katta boyligi bu sizsiz, aziz bolajonlar! Ming afsuski mustaqilligimizni, tinch diyorimizni ko’rolmaydigan ayrim g’animlar uchrab turgani nihoyatda achinarlidir.
Bolajonlar siz doimo Vatanimizga sodiq bo’lgan holda ogoh bo’lib yashashingiz kerak
Yer yuzida tinchlik bo’lsin
Olam doim baxtga to’lsin
Nurli quyosh porlab tursin
Osmon doim ko’m – ko’k bo’lsin
1 - o’quvchi : Tashrifingiz, ishtirokingiz uchun minnatdorchilik bildiramiz


2 – o’quvchi: Yurtimiz obod, elimiz shod, osmonimiz musaffo bo’lsin. Ona O’zbekistonimiz gullab yashnayversin. Kirib kelayotgan yangi yil qutlug’ bo’lsin. Xayr sog’ va salomat bo’ling.

“Gulla, yashna hur O’zbekiston”

mavzusidagi tadbir mazmunnomasi