Guliston davlat universiteti pedagogika fakulteti

13-Mavzu: Maktabgacha ta’limi bo’limlari tomonidan MTMni nazorat qilish.
Reja:

1. 
   Maktabgacha ta’lim muassasalarini frontal – yalpi tekshirish.
   
2. 
   Frontal – yalpi tekshirish olib borishining asosiy yo’llari.
   
3. 
   Tematik tekshirishning maqsad va vazifalari.
   
4. 
   Tekshirish AKTini tuzish va unga qo’yilgan talablar.
   

Amalda, nazorat qilishning asosiy turlari frontal va tematik tekshirish turlaridan foydalaniladi.
Frontal tekshirishi – bu maktabgacha tarbiya muassasasi ishni hayotiy har tomonlama, atroflicha tekshirish formasidir. Ya’ni, muassasaning kadrlar tarkibi, maktabgacha tarbiya dastur talablarini bajarilishi, mudira va katta tarbiyachining ta’lim-tarbiyaviy va metodik, moliyaviy xo’jalik ishlariga ularning kadrlar bilan ishlashi, ota-onalar va jamoatchilik bilan ish faoliyati, ish formalari, tibbiyot xizmati, maktab bilan aloqa, ilg’or ish tajribalarni o’rganish, umumlashtirish va ommalashtirish ishlarini amalga oshiruvchi tekshirish turidir.
Frontal tekshirishga barcha tipdagi maktabgacha tarbiya muassasalari, ularning kuchli yoki kuchsizligidan qat’iy nazar tekshiriladi. Kuchsiz muassasalarga ahamiyatni ko’proq jalb qilishi lozimdir. Frontal tekshirish 4 yilda bir marta Maktabgacha ta’lim bo’limi (Viloyat, shaxar, tuman bo’limi) tomonidan o’tkaziladi. Frontal tekshirish o’tkazishda avval: to’la – to’kis tuzilgan, tasdiqlangan tekshirish rejasi va savollar aniq yoziladi, tekshirish metodi, tekshiruvchilarning ish vazifalari, majburiyatlari va tekshirish muddati ko’rsatiladi.
So’ngra nazoratchi yana bir bor maktabgacha tarbiya bo’yicha chiqarilgan qaror ko’rsatma, buyruqlarni, pedagogik va metodik jurnallarining eng oxirgi yangi sonlarini ko’zdan kechirib, maktabgacha tarbiya dasturi talablarini yaxshilab o’qib oladi, shu muassasa hujjatlari bilan tanishadi. Bu ish uchun u bu muassasada xalq xo’jaligi rejasi, bolalarning muassasaga qatnash rejasining bajarilishi tahlil qilinadi.Kadrlar, ularning tuman, shahar metodik ishlaridagi qatnashuvlari, malaka oshirish ishlarini qarab – o’rganib chiqadi.
Muassasani kuchli yoki kuchsiz tomonlarini bilishda: avvalgi tekshirish materiallari yaxshi o’rganib chiqiladi, kamchiliklarni yo’qotish bo’yicha qabul qilingan qarorlarni qanday bajarilganligi aniqlanadi. Yuqoridagi materiallar bilan tanishish bu nazoratchiga nimalarga ko’proq ahamiyat berish kerakligini belgilab beradi.