Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Retsessiya - pasayish. Ishbilarmonlik faoliyatining passivlashishi, asosan, ikkita choraklik davomidagi faoliyat ma’lumotlari asosida o’rganiladi.
Retsipient - qandaydir to’lov yoki daromad oluvchi jismoniy, yuridik shaxs yoki davlat.
Revolvatsiya - boshqa mamlakatlarning xorijiy valyutalariga nisbatan milliy valyuta (pul birligini) kursining oshishi yoki pul birligidagi oltin hajmining rasmiy oshishi. Qarama-qarshi (teskari) holatda esa, devolvatsiya deyiladi.
Reyting - 1. Baholash, sinfga, bosqichga, kategoriya yoki razryadga qo’shish. Moliyaviy va tijorat muassasalari turli usullarga asosan, kompaniya, korxonalar holatini tahlil etadi va ularning kredit qobiliyatini aks ettiruvchi kredit reytingini aniqlaydi.
2. Ijarachi tomonidan kelgusida sotib olish huquqi yo’q bo’lgan, mashina va uskunalarni qisqa muddatli (qoidaga asosan, 6 oygacha) ijarasi.
Mashina va uskunalar egasi, asosan, reyting xo’jaligi bo’lib, ijara shartnomasi muddati davomida ijara ob’ektida mulkchilik huquqini saqlab qoladi va uskunalarni ta’mirlash xarajatlarini amalga oshiradi Ko’p hollarda reyting to’lovi lizing to’loviga nisbatan yuqori bo’ladi.
Davlat kredit reytingi - kreditni qaytarmaslik xavfi darajasidan kelib chiqib, kompaniyalarning kredit qobiliyatini baholash. Reyting sarmoyadorlar uchun orientir bo’lib, kompaniyalar faoliyati haqidagi to’liq ma’lumot asosida maxsus firmalar tomonidan amalga oshiriladi.
Ring - tadbirkorlarning qisqa muddatli kelishuvi. Unda foyda olish uchun turli tovarlarni bozordan sotib olish va kelgusida uni yuqori bahoda sotish maqsadi ko’zda tutiladi.