Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Insonlarning eng katta xatosi ularning ommabop aktivlarga investitsiya
qilishlaridir. Boshqalar sotib olayotgan narsalarni sotib olishga harakat qilar
ekansiz, siz ulgurmasligingiz mumkin. Siz boshqa insonlar e’tibordan chetda
qoldirgan aktivlarga investitsiya kiritib, katta boylikka ega bo’lishingiz mumkin.
Robert Toru Kiyosaki


5 BOB. INVESTITSIYALAR HISOBI


Foizni sehrli kuchi
Sidney Homer “Foiz stavkalari tarixi” muallifi yozgan edi: “$ 1 000 ni 400 yilga 8% bilan investitsiya qilinsa 23 kvadrillon dollarga (23х10¹⁵) etadi – har bir yer aholisiga 5 million dollardan. Lekin birinchi yuz yil qiyin bo’ladi”.
Bu hayratda qoldiruvchi ko’chirma (цитата) vaqt va murakkab foizlar kuchini ko’rsatyapti. Foiz stavkasida ozgina farq ham, vaqt o’tgan sari, summada katta farqga olib keladi. Real misol keltiraylik, faraz qilaylik sizni soliqdan ozod pension hisobvaraqingizda $ 20 000 pul bor. Bu mablag’ni yarmi 12% yillik daromad keltiradigan aktsiyalarga investitsiya qilindi, qolgan qismi esa – 8%li obligatsiyalarga. Daromadni qayta reinvestitsiya qilish va murakkab foizlarni har chorakda hisoblash sharti bilan tasavvur qilsak, 10 yildan keyin sizni obligatsiyalaringiz $ 22 080 tashkil etadi, ya’ni boshlang’ich investitsivadan ikki baravar ko’p. Lekin Sizni 4% ko’proq daromad keltiradigan aktsiyalaringiz $32 620 bo’ladi, yoki boshlang’ich qiymatdan uch baravar ko’proq.
Ertangi pul – bugungi pul bilan bir xil emas. Biznesmenlar bu vaqt omilini biladilar va shuning uchun pul oqimi qiymatini sinchiklab tahlil qilgandan so’ng investitsiya qiladilar yoki qarzga oladilar.