Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Fio - yuk jo’natuvchi yuk ortish - tushirish jarayonlari bilan bog’liq hamma xarajatlarni o’zi qoplash majburiyatini olganligini bildiradi.
Firma - savdo yoki sanoat korxonasining (birlashmasi) nomlanishi (firma nomi).
Fond birjasi - qimmatbaho qog’ozlarning (qimmatli qog’ozlar, obligatsiyalar, davlat xazina majburiyatlari) oldi-sotdisi bilan shug’ullanadigan muassasa.
Forfetirlash - sotuvchidan tijorat vasiqalarini va boshqa xalqaro kelishuvlardagi qarzlarni aylanmasiz sotib olish yo’li bilan eksportni kreditlash. Forfetirlashda sotuvchi sifatida asosan, shartnoma yuzasidan majburiyatlarni bajaruvchi va naqd mablag’ni olish hamda o’zidan kredit xavfini chetlash maqsadida importerning hisob-kitob hujjatlarini inkassatsiyalashga harakat qiluvchi chekga chiqaruvchi qatnashadi.
Forfeter (sotuvchi) sifatida esa “a-forfe” kelishuvida asosan, bank yoki ixtisoslashgan kompaniya qatnashadi.
Foydadan hisoblangan va to’langan soliqlar - korxona va tashkilotlarning foydadan belgilangan miqdorda davlat byudjetiga ajratmalari.
Foyda markazi – bo’linma rahbari xarajatlar va foyda uchun javob beradigan markaz turi.
Franko - sotuv sharti bo’lib, unga ko’ra, sotuvchi o’z hisobidan shartnomada kelishilgan ma’lum joyga tovarni etkazib berish majburiyatini oladi.
1. Franko-vagon - kelishuv turi bo’lib, unga ko’ra xaridor tovarni vagonga ortilish vaqtidan boshlab, tashish xarajatlarini qoplash majburiyatini oladi.
2. Franko-ombor (franko-zavod) sotuv chetga chiqaruvchi (eksporter) kelishuv turi bo’lib, xaridor tovarni sotuvchining omboridan (zavodidan) qabul qilib olishi shart. Sotuvchi - chetga chiqaruvchi tovarlarni etkazib berish xarajatlarini koplamaydi.
3. Franko-ombor xaridor (importer). Mol etkazib beruvchi tovarni xaridor omborigacha etkazib berish majburiyatini oladi. Xaridor - importer tovarlarni etkazib berish xarajatlarini qoplamaydi.
4. Franko-vagon sotuvchi davlati chegara bekati. Bunda sotuvchi tovarni yuklash va chegara punktigacha etkazib berish xarajatlarini qoplash majburiyatini oladi.
5. Franko-vagon xorijiy xaridor belgilagan bekat. Ushbu kelishuvga ko’ra, sotuvchi xaridor joylashgan va shartnomada kelishilgan temir yul bekatigacha bo’lgan xarajatlarni qoplash majburiyatini oladi. Tovarlarni etkazishning bunday kelishuvi bir hujjat, ya’ni xalqaro ma’lumot - temir yo’l nakladnoyi bilan rasmiylashtiriladi. Ushbu nakladnoyda xaridorning bekati, manzili ko’rsatiladi. Tashishdagi yuqotish va kamomadlar bilan bog’liq moddiy javobgarliklar sotuvchi va xaridorning davlatlar temir yo’llari tomonidan tartibga solinadi.