Guliston davlat universiteti amaliy matematika va axborot texnologiyalari kafedrasi

OʻZBEKISTON RESPUBLIKASI

OLIY VA OʻRTA MAXSUS TA’LIM VAZIRLIGI
GULISTON DAVLAT UNIVERSITETI

AMALIY MATEMATIKA VA AXBOROT

TEXNOLOGIYALARI KAFEDRASI

«TASDIQLAYMAN» Rektor ________M.T.Xodjiyev «___» _________ 2020 - yil

INFORMATIKA VA AXBOROT TEXNOLOGIYALARI fani oʻqituvchilari malakasini oshirish kursining

OʻQUV dasturi

Guliston-2020

Tuzuvchilar: D.B.Abduraximov “Amaliy matematika va axborot texnologiyalari” kafedrasi dotsenti, pedagogika fanlari nomzodi.

S.I.Qulmamatov “Amaliy matematika va axborot texnologiyalari” kafedrasi mudiri, pedagogika fanlari nomzodi.

Taqrizchilar:

M.Mamarajabov TDPU dotsenti, pedagogika fanlari nomzodi.

T.Joʻrayev TDPU dotsenti, fizika-matematika fanlari nomzodi.

Oʻquv dasturi Guliston davlat universitetining 2020 yil, 30 noyabrdagi № 6 sonli bayonnomasi bilan tasdiqlangan.

KIRISH

Ushbu o’quv dasturi O’zbekiston Respublikasi Prezidentining 2018 yil 5 sentyabrdagi “Xalq ta’limi boshqaruv tizimini takomillashtirish bo’yicha qo’shimcha chora-tadbirlar to’g’risida”gi PF-5538-son Farmoni, 2018 yil 5 sentyabrdagi “Xalq ta’limi tizimiga boshqaruvning yangi tamoyillarini joriy etish chora-tadbirlari to’g’risida”gi PQ-3931-son, O’zbekiston Respublikasi Prezidentining 2019 yil 29 apreldagi “O’zbekiston Respublikasi Xalq ta’limi tizimini 2030 yilgacha rivojlantirish Kontseptsiyasini tasdiqlash to’g’risida”gi PF-5712-son Farmoni, 2020 yil 6 oktyabrdagi “Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish chora-tadbirlari to’g’risida”gi PQ-4851-son Qarori ijrosini ta’minlash maqsadida, shuningdek, rahbar va pedagog xodimlarni tanlash, tayѐrlash, qayta tayѐrlash va malakasini oshirishning ilg’or va shaffof tashkiliy-huquqiy mexanizmlarini tadbiq etish yo’li bilan xalq ta’limi tizimida kadrlar siѐsatini shakllantirishning zamonaviy tamoyillarini joriy etish bo’yicha belgilangan ustuvor vazifalar mazmunidan kelib chiqqan holda tuzilgan bo’lib, zamonaviy talablar asosida Xalq ta’limi xodimlarini qayta tayѐrlash va malakasini oshirish muassasalarining Informatika va axborot texnologiyalari fani bo’yicha professor-o’qituvchilari malakasini oshirish jaraѐnlarining mazmunini takomillashtirish hamda kasbiy kompetentligini muntazam oshirishni nazarda tutadi.

Dastur mazmuni O’zbekiston Respublikasi Prezidentining 2019 yil 29 apreldagi “O’zbekiston Respublikasi Xalq ta’limi tizimini 2030 yilgacha rivojlantirish kontseptsiyasini tasdiqlash to’g’risida”gi PF-5712-son Farmonining ta’lim-tarbiya sohasini rivojlantirishdagi amaliy ahamiyati, 2019 yil 23 avgust kuni O’zbekiston Respublikasi Prezidenti Shavkat Mirziyoyev raisligida “Xalq ta’limi tizimini rivojlantirish, pedagoglarning malakasi va jamiyatdagi nufuzini oshirish, yosh avlod ma’naviyatini yuksaltirish” masalalariga bag’ishlab o’tkazilgan videoselektor yig’ilishida ko’tarilgan masalalar, shuningdek, 2020 yil 6 oktyabrdagi “Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish chora-tadbirlari to’g’risida”gi PQ-4851-son Qarorida belgilangan vazifalarni ta’lim tizimiga joriy etishda malaka oshirish muassasasi xodimlarining roli, ta’lim sifatini baholash bo’yicha xalqaro tadqiqotlar, innovatsion ta’lim texnologiyalari, treninglar tashkil etish va o’tkazish, zamonaviy Informatika va axborot texnologiyalari fanini o’qitish masalalarini o’z ichiga olib, ular bo’yicha tegishli yangi bilim, ko’nikma, malaka va kompetentsiyalarni shakllantirishga yo’naltirilgan.

Mazkur dastur doirasida o’quv modullarining taqdim etilayotgan mazmuni tinglovchilarning zamonaviy bilim va innovatsiyalar, ilg’or xorijiy tajribalardan samarali foydalanish, axborot-kommunikatsiya texnologiyalarini o’quv jarayoniga keng tatbiq etish darajasini oshirish hisobiga ularning kasb mahoratini muntazam yuksaltirishni nazarda tutadi.

Yoshlarda mafkuraviy immunitetni kuchaytirish, ularni turli yot gʻoya va tahdidlardan asrash, oʻz mustaqil fikriga ega, irodali, fidoyi va vatanparvar insonlar etib tarbiyalash. Ajdodlarimiz, olim va ulamolarimizning betakror hamda noyob ilmiy-ma’naviy merosini yosh avlodlarga sodda, tushunarli va jozibali shakllarda yetkazish;

“Yangi uyg’onish davri(Renosans)”ning mazmun-mohiyatini keng jamoatchilikka tushuntirish;

buyuk mutafakkirlarimizning ilmiy-ma’rifiy va madaniy merosini fundamental asosda nashrga tayyorlash, chop etish va keng ommaga yetkazish, shuningdek, uni oʻrganish metodikasini ishlab chiqib, amalda qoʻllash chora-tadbirlarini amalga oshirish;

-maktabgacha va boshlangʻich ta’limdagi oʻquv dasturlari va fanlarning uzluksizligini ta’minlash;

-xorijiy ekspertlar va tajribali oʻqituvchilarni keng jalb qilgan holda, umumiy ta’limning Milliy oʻquv dasturi loyihasini ilmiy-tadqiqot va ta’lim muassasalarida sinovdan oʻtkazish;

-umum ta’lim maktablarida darslik va oʻquv-metodik majmualarni tajriba-sinov hamda chet ellik mutaxassislar ishtirokida ekspertizadan oʻtkazish tizimini yaratish;

-xalqaro mehnat bozori talablariga javob beradigan kadrlarni tayyorlash, professional ta’limning mazmuni va sifatini oshirish dastur sifatida belgilab qoʻyilgan.