Graph moduli Pascal tilining asosiy moduli sifatida Modulning funktsiya va protseduralari Koordinatalar, oynalar va sahifalar

Koordinatalar, oynalar va sahifalar.
Turbo Pascalning juda ko‘p grafikali protseduralari va funksiyalari ekranda ko‘rinib turuvchi kursordan farqli bo‘lgan “ko‘zga tashlanmas” ikkinchi kursor-ko‘rsatgichdan foydalanishadi. Bu kursorning joylashishi odatda (0,0) koordinatali nuqtaga nisbatan belgilanadi. Umuman, chiziladigan sath - maydon alohida nuqtalar-piksellardan tashkil topgan. Nuqtaning o‘rni uning gorizontal (X) va vertikal (U) koordinatalari bilan belgilanadi. Yuqori chap nuqtaning koordinatalari (0,0) dan iborat. Koordinatalarning qiymatlari vertikal yo‘nalish bo‘yicha tepadan pastga va gorizontal yo‘nalish bo‘yicha chapdan o‘ngga ortib boradi. GetMaxX va GetMaxY funksiyalari qiymatlari Word tipiga mansub bo‘lib, ekranning joriy ish holatdagi koordinatalaring maksimal qiymatini aniqlashda foydalaniladi.

(0,0)

(GetMaxX, GetMaxY)

Kursor-ko‘rsatgich o‘rnini integer tipidagi qimatlarni beruvchi GetX va Gety funksiyalari aniqlash imkonini beradilar.

SetViewPort(x1,y1,x2,y2:integer;Clipon:Boolean)-protsedurasi ekranda yuqori chap nuqtasi koordinatalar (x1,y1) va quyi o‘ng nuqtasi koordinatalari (x2,y2) bo‘lgan to‘g‘ri to‘rtburchak shaklidagi oynani yaratishda qo‘llaniladi. Boolean tipidagi ifoda qiymatiga ko‘ra mazkur oynaga sig‘mayotgan tasvir elementlarini «qirqish» uchun beriladi. Bu ifodaning True qiymatida mazkur protsedura yordamida aniqlangan sohaga tasvir elementlari sig‘masa, ular qirqiladilar, aksincha False qiymatida soha chegaralari «bekor» qilinadi.
MoveTo(x,y:integer)-protsedurasi ekranda ko‘rsatgichni koordinatalar (x,y) bo‘lgan nuqtaga joylashtiradi va bu joylashtirish oyna o‘rnatilmagan holda (0,0) nuqtaga nisbatan amalga oshiriladi.
MoveRel(dx,dy:integer)-protsedurasi ekranda ko‘rsatgichni yangi nuqtaga joriy koordinatalariga nisbatan dx,dy-orttirmalar bo‘yicha joylashtirish imkonini beradi.
SetbkSolor(n)- protsedurasi ekran fonini ko‘rsatilgan n-parametrga mos keluvchi (0 dan 15 gacha) rang bilan berilishini ta’minlaydi.
ClearDevice- protsedurasi grafik ekranni toazlab, uning fonini SetbkSolor bilan aniqlangan rang bilan «bo‘yalishi»ga xizmat qiladi.
ClearDevice- protsedurasi yaratilgan grafik oynani, agar u «to‘liq ekran» holatida aniqlanmagan bo‘lsa tozalaydi va ko‘rsagich oynaning chap yuqori nuqtasiga joylashadi.