«график диктант» методикаси

Тест натижаларини баҳолаш

Ҳар бир нақшда диктантнинг бажарилиши ва унинг мустақил давом эттирилиши алоҳида-алоҳида баҳоланади. Баҳолаш қуйидаги шкала бўйича амалга оширилади:

Диктант қилинаётган нақш учун

1. Нақш аниқ чизилса -4 балл (чизиқлар текис эмас, «қалтироқ» чизиқ, топшириқни бажариш жараёнида тозаликка риоя қилиш даражаси ҳисобга олинмайди ҳамда унинг ҳолати баҳони пасайтирмайди);

2. Битта чизиқда хатога йўл қўйилса — 3 балл.
3. Бир нечта хатога йўл қўйилса — 2 балл.
4. Чизманинг баъзи элементлари диктантдаги нақшга ўхшаса — 1 балл.
5. Чизма диктантдаги нақшга умуман ўхшамайди — 0 балл.


Нақшнинг мустақил давом эттирилиши учун

1. Мустақил давом эттирилган нақш — 4 балл (чизиқлар нотекис, «қалтироқ» чизиқ, топшириқни бажариш жараёнида тозаликка риоя қилиш даражаси ҳисобга олинмайди ҳамда унингҳолати баҳони пасайтирмайди);

2. Чизмани давом эттиришда бир марта ёрдам берилганда — 3 балл.
3. Чизмани давом эттиришда бир неча марта ёрдам берилса — 2 балл.
4. Чизмани мустақил давом эттиришда катта қийинчиликларга учраса — 1 балл.
5. Чизмани мустақил давом эттира олмаса — 0 балл.
Шундай қилиб, ҳар бир нақш учун бола иккита баҳо олади: биринчиси — диктантни бажариши учун, иккинчиси — нақшни мустақил давом эттирганлиги учун. Ҳар иккала баҳо 0 дан 4 балл оралиғида бўлади. Биринчи ва иккинчи баҳо бола-нинг мутлақо турли хил руҳий имкониятларига қўйилишини тушуниб етиш зарур. Биринчи ҳолда боланинг ўқув намунасини бажариш ва педагог талабларига мос фаолиятнинг хатосиз бажарилишини назорат қила олиш қобилияти баҳоланади. Иккинчи баҳо ўқув вазифасини бажаришда ўз фаолиятини бошқариш элементларининг шаклланганлик даражасига тегишлидир. Ҳар иккала ҳолда 0-2 балл таш-хис қилинаётган руҳий феноменнинг шаклланмаганлиги ҳақида гувоҳлик беради, 3-4 балл эса — уларнинг шаклланганлигини билдиради.