Градостроительные нормы и правила

Чиқинди чиқаргич ва чанг тозалагич


2.157. Чиқиндилардан тозалаш тизими, чиқиндини чиқариб ташлаш йўллари, маҳаллий шароитлардан келиб чиққан ҳолда, лойиҳа топшириғига асосан назарда тутилади (суткада йиғилиб қоладиган ҳажмни ҳисобга олган ҳолда).
Бинода чиқинди чиқаргич бўлмаса биринчи қаватда чиқинди йиғувчи камера, майдонда махсус чиқиндиларни йиғувчи контейнер учун қаттиқ қопламали майдонча кўзда тутилиши зарур.
Озиқ-овқат чиқиндилари учун уларни вақтинчалик сақлаб туришга совутгич камераси назарда тутилиши керак.

158. 
     Чиқинди чиқаргичлар, қоида бўйича, 5 қаватдан юқори биноларда, даволашга мўлжалланган 200 ва ундан ортиқ кўйкаси бор стационар биноларида ва 200 ва ундан ортиқ ўринли меҳмонхоналарда эса кам қаватлиларда ҳам назарда тутилиши керак.
     
159. 
     Чиқинди чиқаргич қурилмаси қувири қурилиш конструксияларидан ҳаво ва шовқин ўтказмайдиган бўлиши керак; у одамлар доимо бўладиган хоналарга ёндош бириктирилган бўлмаслиги шарт.
     

Чиқинди йиғиш камераси ( ички сатҳлари баландлиги 1.9 м дан кам бўлмаслиги керак) тўғридан тўғри чиқинди чиқаргич қувири остида жойлашган ва бинога кириш жойидан яхлит девор билан ажратилган, ташқарига очиладиган кириш эшиги, ҳамда перегородка деворлари ёнғинбардошлиги EI 45 ва тепа қопламаси REI 45 бўлиши керак.
Чиқинди йиғувчи камеранинг пол устки сатҳи тротуар ёки келиб туташган транспорт йўлагидан, қоида бўйича, 0.1 м баланда бўлиши шарт; камерани бошқа сатҳларда жойлаштириш учун чиқинди чиқаргични механизатсия қурилмаси билан таъминлаш зарур.
2.160. Марказлашган ёки бирга қўшилган вакуумли чанг тозалагич тизими лойиҳа топшириғига асосан санитария-гигиения талаблари кучайтирилган биноларда кўзда тутилади ( томоша заллари, музейлар, кутубхоналар, савдо марказлари, универмаглар, статсионар касалхоналар, санаториялар, меҳмонхоналар ва 200 ва ундан ортиқ ўринли пансионатлар ва бошқаларда).
Қолган ҳолларда хоналардан чанг чиқаргич сифатида маиший ҳаво сўргичлардан фойдаланилади.
Эслатма: 1. Чанг чиқаргич тизимлари йўқ бўлганда ҳаво сўргич филтрларини тозаловчи камералар лойиҳа топшириғига асосан кўзда тутилади.
2. Бирга қўшилган вакуумли чанг тозалагич тизимини лойиҳалашда битта қабул қилувчи клапан билан хизмат кўрсатиш доираси 50 м дан ошмаслиги даркор.