Градостроительные нормы и правила

Саҳна тепа қопламасида ёнғинга қарши дарпарда ва тутун люкларининг қурилмаларига қўйиладиган талаблар

1. Ёнғинга қарши дарпарда полотноси газўтказмас ва қурилиш порталининг ора ўйиғини ён томонларидан 0.4 м ва тепадан 0.2 м қоплаб туриши керак.

Декарация омборларининг ёнғинга қарши дарпарда ва ёнғинга қарши эшикларининг (шторларининг) синчини ҳисоблашда томошабинлар заллари томонидан горизонтал босим ҳисобга олинади, яъни саҳнанинг ҳар бир метр баландлигига 10 Па босим, планшетдан том қопламаси конёкигача 1.2 оғирлатувчи коэффициент қўллаб, қабул қилинади. Металл синч элементларининг эгилиши ҳисобий пролетнинг 1/200 дан ошмаслиги керак.
Ёнғинга қарши дарпарда ҳаракати тезлиги камида 0,2 м/с билан ўз оғирлик кучи асосида ҳаракатланиши керак. Дарпарда ҳаракатини масофадан бошқариш уч жойдан кўзда тутилиши керак: ёнғин постидан, саҳна планшетидан ва ёнғинга қарши дарпарда лебедкаси хонасидан.
Дарпардада унинг кўтарилиши ва тушишини англатадиган товуш ва ёруғлик сигнализацияси бўлиши шарт.
2. Люкларнинг очиқ ҳолдаги кесими майдони ҳисоб-китоб билан ёки трюм полидан саҳна тепа қопламасигача колосникали саҳнанинг ҳар 10 м баландлигига 2.5% га тенг қилиб қабул қилинади.
Люкларнинг клапанлари очилиши уларни ушлаб турувчи қурилмадан ечилиши билан ўз оғирлик кучи таъсирида таъминланиши керак, бунда клапаннинг периметри бўйича кромкаларида ёпишиб қолиш кучини, 0,3 кН/м қабул қилиб, ҳисобга олиш керак.
Люкларнинг клапанларига хизмат қилувчи лебедка саҳна планшетидан, ёнғин постидан – диспетчер хонасидан ва ушбу лебедка хонасидан масофадан бошқариш имкониятили бўлиши керак.
Тутун люклари тепа қурилмаси НГ гуруҳидаги ёнмас ашъёлардан бажарилиши зарур, клапанлар эса – Г1 гуруҳи ашъёларидан.
Тутун люкларини саҳна каробкасининг ёнғинга қарши деворларига ўрнатилганда уларни учирилиб кетмаслик шарти таъминланиши керак.

13-ИЛОВА
Тавсиявий

Ёпиқ бозорларнинг хоналари майдонларининг таркиби
(150-250 савдо ўринли)