Государственная инспекция по надзору за безопасным ведением работ

§ 124. Радиоприёмникли ижрочи блок бориш қулай бўлган жойларга, қулаш призмаси 
чегарасидан ташқарига, ҳамда поғона ва уюмлар қиялигидан кон массалри бўлаклари сирпаниб 
тушадиган зонадан бошқа, кон массасини портлатишдан ҳосил бўлган бўлаклар уни 
шикастланмайдиган масофага ўрнатилади. Портлатиш магистралининг детацияловчи шнури ёки 
тўлқин узатгичи ижрочи блокдан (портлатиш аппаратидан) камида 1 м узоққа жойлаштирилиши
керак.
§ 125. Портлатувчи электродетонаторларни ижрочи блок қисқичларига улашни, фақат шу 
операцияни бажариш юзасидан ялпи портлатиш бўйича масъул раҳбарининг командасини 
олганидан сўнг бажариши мумкин.
Ялпи портлатишни бажаришда портлатиш учун радиоимпульсни узатиш, фақат портлатиш 
раҳбарининг командаси бўйича бажарилади, бунда раҳбар хавфли зонадан ҳамма одамлар 
чиқарилгани ва ижрочи блокларнинг портлатиш учун тайёрлигига ишонч ҳосил қилиши керак.
 
10. Шай-патронлар, ёндирувчи ва назорат найчаларини ясаш
 
10.1. Шай-патронлар (оралиқ детонаторларни) ясаш 
§ 126. Шай-патронларни ясаш (тайёрлаш) ишлар бажариладиган жойларда ёки корхона 
(шахта, кон, карьер ва шу кабилар) раҳбари томонидан белгиланган бошқа жойда, бир ҳаракатда 
зарядни портлатиш учун талаб қилинадиган миқдорда бажарилиши керак.
Шахта стволлари юзасини ковлаб ўтишда шай-патронлар, ствол қирғоғидан камида 50 м 
узоқликда жойлашган шай-панронлар махсус жиҳозланган будкаларда (хоналарда) тайёрланиши 
керак.
Стволлар чуқурлаштирилганда шай-патронларни амалдаги горизонтни махсус ажратилган 
жойида (чуқурида) тайёрланишга рухсат этилади.
§ 127. Детонатор шай-панронга тўла чуқурликда киритилиши ва ишончли ўрнашиши 
керак. Бунда чуқур ясовчи игна учқун чиқармайдиган ва ПМ таъсиридан коррозияланмаган 
материаллардан тайёрланиши керак.
§ 128. Прессланган ёки қуйма ПМ дан тайёрланган шай-патронларни, фақат чуқурчалари
заводда тайёрланган патронлардан (шашкалардан) ясашга рухсат этилади. Чуқурчаларни 
кенгайтириш ва чуқурлаштириш ман этилади.