8. Музни портлатиш ва ерости портлатиш ишларининг хусусиятлари
8.1. Умумий талаблар § 351. Дарё, кўл ва бошқа сув ҳавзаларида музни портлатиш ва ерости портлатиш ишлари, фақат тегишли назорат органлари билан келишувга биноан ўтказилиши мумкин.
Бу ишларда ғаввослар меҳнатидан фойдаланилганда ғаввослик ишлари бўйича тегишли хавфсизлик қоидалари амал қилиши зарур.
8..2. Музни портлатишга оид ишлар § 352. Музни портлатиш, фақат техник назорат шахсининг бевосита раҳбарлигида ўтказилиши керак.
§ 353. Қайиқлар билан ишлаганда ишловчилар қутқазиш нимчалари билан таъминланиши керак.
§ 354. Зарядларни дарё ўртасидан қирғоқларга қараб, тик қирғоқдан қия қиргоққа қараб оқимга қарши йўналишда портлатиш керак.
§ 355. Музни парчалашда битта портлатувчига бир мартада ёндирувчи найчаларини кўпи билан 12 маротаба ёқишга рухсат этилади.
§ 356. Муз парчалари зичлашган ёки қирғоққа тирбанд бўлган участкада, ёхуд бевоситада ҳимояланаётган қурилишдан зарядларни оқиб кетадиган музни устига ташлашга истисноли ҳолларда рухсат берилади. Бу ишни музёриш ишлари бўйича камида икки мавсумлик амалий стажга эга бўлган портлатувчигина амалга ошириши мумкин. Зарядларни бир донадан ташлаш лозим.
Ташланадиган зарядларнинг оловўтар шнурининг (ёндирувчи найчанинг) узунлиги 15 см дан кам ёки 25 см узун бўлмаслиги лозим.
§ 357. Муз қопламини портлатиш учун сувости зарядлар билан портлатишда муз ўйиғига (лункага) шпагат ёки шу каби ишончли маҳкамлашни таъминлайдиган восита ёрдамида туширилиши керак.
Музни қори эриган ёки ювилган жойи орқали зарядни тушириш ман этилади.
Зарядни сувга туширишидан олдин муз ўйиғини (лункани) ўлчамларини аниқлаш лозим.
§ 358. Кемада туриб музни портлатишда портловчи материалларни, фақат кема капитанининг ёзма фармойиши мавжуд бўлганда ва портлаш ишлари раҳбарининг талабномаси бўйича беришга рухсат этилади.
8.3 Сувости портлатиш ишлари § 359. Сувости портлатиш ишларини бажаришда, бригада таркиби портлатиш ишлари лойиҳасида белгиланиши керак. Зарядларни жойлаштиришни фақат портлатувчи бажариши мумкин.
Агар зарядларнинг умумий массаси 40 кг дан ортиқ бўлса, портлатиш ишлар учун жиҳозланган ўзи юрар сузувчи воситалардан фойдалниш зарур.
§ 360. Оловли портлатиш пайтида бир марта боришдаги ёқишларнинг умумий сони беш мартадан ошмаслиги керак.
§ 361. Электрпортлатиш тармоғини оқим кучи билан узилишдан ҳимоялаш учун, зарядларни чўзилиш зўриқишларини қабул қиладиган воситалар билан қўшимча равишда ўзаро улаш бўлиши зарур.