Государственная инспекция по надзору за безопасным ведением работ

8. Газ ёки чанги бўйича хавфли бўлган кон-маъдан ва номаъдан (кон, шахта, тоннеллар ва бошқа) саноат объектларида портлатиш ишларини олиб боришнинг хусусиятлари
§ 302. Газ ёки чанги бўйича хавфли бўлган номаъдан ва кон-маъдан объектларида портлатиш ишлари “Саноатконтехназорат” ДИ билан келишилган махсус тадбирларга (йўриқномаларга) мувофиқ бажарилиши керак.


IV БОБ. ЕР ЮЗИДА ЖОЙЛАШГАН ОБЪЕКТЛАРДА МАХСУС ПОРТЛАТИШ ИШЛАРИНИ ОЛИБ БОРИШ ЮЗАСИДАН ҚЎШИМЧА ТАЛАБЛАР

1. 
   Умумий қоидалар
   

§ 303. Муҳим аҳамиятга эга бўлган (ядро реактори, электростанция, автомобиль ва темир йўллари, сув йўли, электр узатиш линиялари, нимстанциялар, завод, темир йўл станцияси, порт, ерости иншоотлари, телефон линиялари ва шу каби) объектлар жойлашган хавфли зона чегараларида портлатиш ишларини, шу объектларни идора этувчи ташкилотларнинг раҳбарияти билан келишиш бўйича бажарилиши керак.
§ 304. Портлатиш станциясини хавфли зона чегараларидан ташқарига жойлаштириш керак. Бу талабни бажаришнинг иложи бўлмаганда махсус панагоҳ (блиндаж ва шу кабилар) қуриш керак. Панагоҳлар ўрнатилган жойлар лойиҳа ёки паспорт билан белгиланади.
Сунъий ёки табиий панагоҳ портлатиш ишлари ижрочиларини портлатиш таъсири, шу жумладан заҳарли газлардан ишночли ҳимоя қилиши керак. Панагоҳга борадиган йўл тиқинлинч бўлмаслиги керак.
§ 305. Агар портлатишга тайёрланган зарядлар, уларни тез топиб олиш қийин бўлган жойга(бутазор ва шу кабига) жойлаштирилган бўлса, зарядларни оловли портлатишда ажратиш белгилари ўрнатилиши керак.
2. Хумлаш, камерал ва қудуқ зарядларини портлатишнинг хусусиятлари
§ 306. D гуруҳи (тутунли порохлардан ташқари) ПМ ва ДШлардан иборат қудуқ зарядларини қўллаганда тиқинлаш материалларини ўтўчиргич эга ва учқун сўндиргич билан жиҳозланган автоавғдаргичлар билан зарядланадиган блокка етказиб беришга рухсат этилади. Бунда ДШни босиб кетмаслик лозим.
§ 307. Оловли бурғилаш станоклар билан бурғиланган қудуқларни, бурғилаш тугаганидан кейин 24 соат ўтмасдан бурғилаш ман этилади.
§ 308. Мураккаб кон-геологик (домий музлик, оқма лойли, тектоник ёриқ, серсув ва шу каби) шароитларда детонацион шнур ёки ноэлектрик детонаторлар билан зарядларни портлатишда қудуқларни бевосита бурғилашдан кейин зарядлашга “Саноатконтехназорат” ДИ билан келишиш бўйича рухсат этилади.
§ 309. Музлаган жинсда босимли сув оқими таъсирида ҳосил қилинган бўшлиққа (гидробўшлиққа) камерал зарядларни жойлаштирган ҳолда, портлатиш ишларини ўтказиш тартиби “Саноатконтехназорат” ДИ органи билан келишувга кўра корхона раҳбари томонидан тасдиқланган йўриқнома билан белгиланиши керак.