Государственная инспекция по надзору за безопасным ведением работ

§ 240. 2. III класс сақланадиган портловчи моддаларни қўллашга:
а) метан ажралган ва портловчи чанг бўлмаганда фақат жинс бўйича, шу жумладан отилиш хавфи бўлган жинслар бўйича ўтказиладиган иншоотларнинг забойларида;
б) амалдаги горизонтлардан стволларини чуқурлаштириш ва улардан метан ажралиб чиққанда фақат жинс бўйича ўтказиладиган стволларнинг забойларида;
в) кўмир ва газ қўқисдан отилиши бўйича хавфли қатламларни очишда, қатлам топилганга қадар пуркалган сув пардасидан фойдаланиш шартида, ҳамда иншоотни забойи ва қатлами орасида иншоот кесимининг барча майдони бўйича жинсли тиқин мавжуд бўлганда рухсат этилади. Тиқиннинг ўлчами (нормал бўйича ҳисобланганда) тик қатламни очишда камида 2 м ва нишаб қатламни очишда камида 1 м бўлиши керак.
§ 240. 3. IV класс сақланадиган портловчи моддаларни қўллашга:
а) метан ажралиб чиқмаган ҳолларда, портловчи чанги бўйича хавфли кўмир қатламлари бўйлаб ўтказиладиган иншоотларни кўмир ва аралаш забойларида;
б) портлатиш ишларида метан юқори даражада ажраладиган, газ ёки чанг бўйича хавфли қатламлари бўйлаб ўтказиладиган горизантал, қия ва тик (10⁰ гача бўлган) иншоотларни кўмир ва аралаш забойларда;
в) ларзали, шу жумладан камуфлет (ерости) портлатишда, қатлам топилгандан сўнг кўмир қатламини очиш ва кейин иншоотни узунлигини камида 20 м қилиб ўтказишда;
г) жинсларни қуйи қисмидан портлатиш билан ўтказиладиган тошли штрекларда;
д) камгак участканинг нисбий серметанлилиги 10 м³/т кам бўлганда жинсларни юқори қисмидан портлатиш билан ўтказиладиган тошли штрекларда;
е) илгарилаб жинсни қазишда, кўмир ва газ қўқисдан отилиши бўйича хавфли қатламлар бўйлаб ўтказиладиган иншоотларни аралаш забойларида жинслар бўйича портлатишда;
ж) портлатиш ишларини бажармасдан дастлабки кўмир камгагини ўтказиш шарти билан, портлатиш ишларида метан юқори даражада ажраладиган иншоотларни аралаш забойларидаги ён сиртни қаттиқлик коэффиценти f > 4 бўлган жинсларни портлатиш учун;
з) лаваларда кўмирни портлатиш йўли билан қазишда;
и) қулаш бурчаги 45⁰ ортиқ бўлган қатламларда олдиндан бурғиланган диаметри камида 500 мм бўлган, умумшахта депрессияси (турғунлиги) ҳисобидан иншоот шамоллатилишини таъминлайдиган қудуқлар бўйича тик иншоотларни (печларни) ўтказишда рухсат этилади.