Glossariy pedagogika yunoncha «paidagogike»

Ilmiy darajalar va unvonlar:

Doktor – doktorlik dissertastiyasini himoya qilgan shaxsga beriladigan daraja (bizdagi fan nomzodiga to’g’ri keladi).

Doktor xabilitovan – doktorlik darajasiga ega bo’lgan, fanga ulkan hissa qo’shgan va yana bir ilmiy ishni himoya qilgan shaxsga beriladigan ilmiy daraja.(bizdagi fan doktoriga to’g’ri keladi).

Polshada o’qituvchilarning xizmat pog’onalari bo’yicha o’sishi quyidagi bosqichlarga ega (ketma-ket polyakcha nomi bilan):

• 
  Yangi ish boshlagan o’qituvchi “stajer o’qituvchi” maqomini oladi.
  
• 
  9 oy muddatda staj o’tagach, “shartnomali o’qituvchi” maqomiga ega bo’ladi.
  
• 
  1 yildan keyin esa “mianovan o’qituvchi” maqomini olish uchun staj o’tash huquqini oladi.
  
• 
  Staj 2 yil-u, 9 oy davom etadi, so’ngra gmin komissiyasi oldida imtihon topshiradi.
  
• 
  “Mianovan o’qituvchi” maqomini olgach, 3 yildan keyin “diplomli o’qituvchi” maqomi uchun staj qilish imkoniyatiga ega bo’ladi. Staj 2 yilu 9 oy davom etadi va ta’lim vazirligi vakillari suhbati bilan yakunlanadi.
  
• 
  “Diplomli o’qituvchi” maqomini olgach, 9 yildan so’ng “professor o’qituvchi” maqomini olishga harakat qiladi (bu professorlik ilmiy darajasi emas).
  

O’qituvchilarning xizmat pog’onalari bo’yicha o’sishda xizmat pog’onalari bo’yicha o’sishning barcha bosqichlarida berilgan muddatlarga amal qilinishi, bu muddatda kerakli hujjatlar tayyorlanishi va topshirilishi lozim. Staj paytida o’qituvchi maktab direktori tasdiqlagan shaxsiy reja asosida ishlaydi. Barcha ish natijalarini hisobotda yozib boradi, keyinchalik direktorga va imtihon komissiyasiga taqdim etadi. Xizmat pog’onalari bo’yicha o’sishi o’qituvchining tegishli maqomga ega bo’lishi va oylik maoshining oshishi bilan bog’liq bo’ladi. O’qituvchini ishga qabul qilish va kasb imtiyozlariga ega bo’lishi ko’p jihatdan uning maqomiga daxldor masala sanaladi.

Polshaning zamonaviy ta’lim tizimi bugungi kunda katta yutuqlarga erishishiga xizmat qilmoqda. Ammo ta’lim tizimida ba’zi muammo va yutuqlari mavjud. Jumladan, kichik qishloq maktablarini moliyalashtirish muammosi: bir sinfda 25 o’quvchi bo’lsagina maqsadli dotatsiya beriladi. Maqsadli dotatsiya bo’lmasa gminlar o’z shaxsiy byudjetlaridan xarajatlarni qoplaydilar shu bois kichik qishloq maktablari yopiladi. Boshlang’ich ta’limning 1-3-sinflarida baholash tizimi mavhum tuzilgan. Shuningdek, Umumpolyak imtihonlarining kiritilishi alohida regionlardagi o’qitish darajalarini taqqoslash imkoniyatini berdi. OO’Yuga qabul qilish tizimida korrupsiyaning yo’qotilishini ta’kidlash lozim.